തിരുവനന്തപുരം: പിഎസ് സി ഉദ്യോഗാര്ത്ഥികളെ വെട്ടിലാക്കി കൊണ്ട് ബിവ്റേജസ് കോര്പ്പറേഷനില് കൂട്ടസ്ഥിരപ്പെടുത്തല്. 995 താല്ക്കാലിക ജീവനക്കാരെ സ്ഥിരപ്പെടുത്താന് ബെവ്കോ ഡയറക്ടര് ബോര്ഡിന്റെ തീരുമാനമാണിത്. എല്ഡിസി, യുഡിസി സമാന തസ്തികകളില് ജോലി ചെയ്യുന്നവര്ക്കാകും സ്ഥിരനിയമനം. ഇത് സംബന്ധിച്ച നിര്ദേശം സര്ക്കാരിലേയ്ക്ക് അയച്ചിട്ടുണ്ട്. താല്ക്കാലികമായി ജോലിക്ക് കയറിയവരെ കൂട്ടത്തോടെ സ്ഥിരപ്പെടുത്തുന്നത് പിഎസ്സി ഉദ്യോഗാര്ത്ഥികള്ക്ക് തിരിച്ചടിയാകും.
