പാലക്കാട്: കല്ലടിക്കോട് സ്കൂള് വിട്ട് റോഡിന് വശത്തുകൂടി പോകുകയായിരുന്ന വിദ്യാര്ത്ഥികള്ക്ക് മുകളിലേക്ക് ലോറി മറിഞ്ഞുണ്ടായ അപകടത്തില് മരണം നാലായി. കരിമ്പ ഹയര്സെക്കന്ഡറി സ്കൂളിലെ നാലു വിദ്യാര്ത്ഥിനികളാണ് മരിച്ചത്. പരീക്ഷ കഴിഞ്ഞ് വീട്ടിലേക്ക് മടങ്ങുകയായിരുന്ന കുട്ടികളാണ് അപകടത്തില്പ്പെട്ടത്.
ഇര്ഫാന, മിത, റിദ, ആയിഷ എന്നിവരാണ് മരിച്ചത്. എട്ടാം ക്ലാസ് വിദ്യാര്ത്ഥിനികളാണ് ഇവര്. സ്കൂള് വിട്ട് റോഡിന് വശത്തുകൂടി പോകുകയായിരുന്ന കുട്ടികള്ക്ക് മുകളിലേക്ക് നിയന്ത്രണം വിട്ടെത്തിയ ലോറി മറിയുകയായിരുന്നു. പരിക്കേറ്റ വിദ്യാര്ത്ഥികളെ ഇസാഫ് ആശുപത്രിയിലേക്ക് എത്തിച്ചെങ്കിലും, അതിനിടെ മരിച്ചിരുന്നുവെന്നാണ് ആശുപത്രി അധികൃതര് അറിയിച്ചു. മൂന്നു വിദ്യാര്ത്ഥിനികളുടെ മൃതദേഹം തച്ചമ്പാറ ഇസാഫ് ആശുപത്രിയിലാണുള്ളത്.
