കൊച്ചി: തൃപ്പൂണിത്തുറയിലുണ്ടായ വന് സ്ഫോടനത്തില് ഒരാള് മരിച്ചു. ഗുരുതരമായി പരിക്കേറ്റ വിഷ്ണു എന്നയാളാണ് മരിച്ചത്. പത്തരയോടെയാണ് അപകടമുണ്ടായത്. അടുത്തുളള വീടുകളെല്ലാം തകര്ന്നു. സ്ത്രീകളും കുട്ടികളുമടക്കം 16 പേരെ തൃപ്പൂണിത്തറ ജനറല് ആശുപത്രിയില് പ്രവേശിപ്പിച്ചു. ഇവരില് നാല് പേരെ മെഡിക്കല് കോളേജിലേക്ക് മാറ്റി. നാല് പേരുടേയും നില ഗുരുതരമായി തുടരുകയാണ്.
സ്ഫോടകവസ്തുക്കള് അനുമതിയില്ലാതെയാണ് സൂക്ഷിച്ചതെന്നാണ് നാട്ടുകാര് പറയുന്നത്. സഫോടക വസ്തുക്കള് സൂക്ഷിക്കാന് അനുമതിയുണ്ടായിരുന്നില്ലെന്ന് ജില്ലാ ഫയര്ഫോഴ്സും സ്ഥിരീകരിച്ചു. തൃപ്പൂണിത്തുറ, പുതിയകാവ് അമ്പലത്തിലെ താലപ്പൊലിയോടനുബന്ധിച്ചുള്ള വെടിക്കെട്ടിനായി എത്തിച്ച പടക്കമാണ് പൊട്ടിത്തെറിച്ചത്. വലിയ തോതില് പടക്കം ശേഖരിച്ചിരുന്നു. സമീപത്തെ 30 ഓളം വീടുകള്ക്ക് കേടുപാടുകള് സംഭവിച്ചു. വീടുകളുടെ മേല്ക്കൂര തകര്ന്നു. ഉഗ്ര സ്ഫോടനമാണ് ഉണ്ടായതെന്ന് ദൃക്സാക്ഷികള് പറഞ്ഞു.
