കൊച്ചി: ടി പി ചന്ദ്രശേഖരന് വധക്കേസിലെ പ്രതികള്ക്ക് തിരിച്ചടി. കുഞ്ഞനന്തന് അടക്കമുള്ള 10 പ്രതികളെ ശിക്ഷിച്ച വിധി ഹൈക്കോടതി ശരിവച്ചു. ഹൈക്കോടതി ഡിവിഷന് ബെഞ്ചാണ് ശരിവെച്ചത്. വെറുതെ വിടണമെന്ന പ്രതികളുടെ അപ്പീല് തള്ളി. അതേസമയം, കെ കെ കൃഷ്ണന്, ജ്യോതി ബാബു എന്നിവരെ വെറുതെ വിട്ടത് വിചാരണ കോടതിയുടെ വിധി ഹൈക്കോടതി റദ്ദാക്കി. രണ്ട് പ്രതികളും ഈ മാസം 26 ന് കോടതിയില് ഹാജരാകണം. ഇവര്ക്കുള്ള ശിക്ഷ 26 ന് പ്രഖ്യാപിക്കും. സിപിഐഎം കോഴിക്കോട് ജില്ലാസെക്രട്ടറി പി മോഹനനെ വെറുതെ വിട്ട വിധി കോടതി ശരിവെച്ചു. അപ്പീല് നല്കി പത്താം വര്ഷത്തിലാണ് ഹൈക്കോടതി വിധി പറയുന്നത്.
2012 മേയ് ലാണ് ആര്എംപി സ്ഥാപക നേതാവ് ടി.പി.ചന്ദ്രശേഖരനെ ഒരു സംഘം ബോംബെറിഞ്ഞ് വീഴ്ത്തിയ ശേഷം വെട്ടിക്കൊലപ്പെടുത്തിയത്. പ്രതികളായ എം സി അനൂപ്, കിര്മാണി മനോജ്, കൊടി സുനി, ടി കെ രജീഷ്, മുഹമ്മദ് ഷാഫി, അണ്ണന് സിജിത്ത്, കെ ഷിനോജ്, കെ സി രാമചന്ദ്രന്, ട്രൗസര് മനോജ്, സിപിഐഎം പാനൂര് ഏരിയ കമ്മിറ്റി അംഗമായിരുന്ന പി കെ കുഞ്ഞനന്തന്, റഫീഖ് എന്നിവരുടെ ജീവപര്യന്തം തടവും മറ്റൊരു പ്രതിയായ പ്രദീപന് 3 വര്ഷം കഠിന തടവുമാണ് 2014 ല് വിചാരണക്കോടതി വിധിച്ചത്. പി കെ കുഞ്ഞനന്തന് ജയില് ശിക്ഷ അനുഭവിച്ചുവരുന്നതിനിടെ മരിച്ചു. 36 പ്രതികളുണ്ടായിരുന്ന കേസില് സിപിഐഎം നേതാവായ പി മോഹനന് ഉള്പ്പെടെ 24 പേരെ വെറുതെ വിട്ടിരുന്നു. കൊലപാതകത്തിന് പിന്നില് വലിയ രാഷ്ട്രീയ ഗൂഢാലോചന ഉണ്ടെന്ന് വാദിച്ചാണ് കെകെ രമ അപ്പീല്.
