മലപ്പുറം: നിപ രോഗബാധിതനായ പാണ്ടിക്കാട് സ്വദേശിയായ പതിനാലുകാരന് മരിച്ചു. കോഴിക്കോട് മെഡിക്കല് കോളേജില് ഗുരുതരാവസ്ഥയില് ചികിത്സയിലായിരുന്നു. ഇന്ന് രാവിലെ 11.30 ക്കായിരുന്നു മരണം. കുട്ടിയുമായി സമ്പര്ക്കമുള്ള ഒരാള്ക്ക് കൂടി രോഗലക്ഷണമുണ്ട്. സമ്പര്ക്കത്തില് ഏര്പെട്ടവര് ആരോഗ്യ വകുപ്പിനെ ബന്ധപെടണമെന്ന് നേരത്തെ അധികൃതര് അറിയിച്ചിരുന്നു.
സമ്പര്ക്കപ്പട്ടികയിലുള്ള 214 പേര് നിരീക്ഷണത്തിലാണ്. 60 പേര് ഹൈ റിസ്ക് വിഭാഗത്തിലാണുള്ളത്. 15 പേരുടെ സാമ്പിള് കൂടി പരിശോധനക്ക് അയച്ചു. ആനക്കയം, പാണ്ടിക്കാട് ഗ്രാമപഞ്ചായത്തുകളില് നിയന്ത്രണങ്ങള് ഏര്പ്പെടുത്തിയിട്ടുണ്ട്. കേരളത്തില് അഞ്ചാം തവണയാണ് നിപ സ്ഥിരീകരിക്കുന്നത്. ഇതുവരെ 22 പേരാണ് സംസ്ഥാനത്ത് നിപ ബാധിച്ച് മരിച്ചത്.
കുട്ടിയുമായി സമ്പര്ക്കമുണ്ടായ 246 പേര് ഐസലേഷനിലാണ്. 63 പേര് ഹൈ റിസ്ക്ക് കാറ്റഗറിയിലുണ്ട്. ഹൈറിസ്ക്ക് കാറ്റഗറിയില് ഉള്ളവരുടെ സാമ്പിളുകള് ശേഖരിക്കും. എന്ഐവി പൂനെയുടെ മൊബൈല് ലാബ് ഇവിടെ എത്തും. പാണ്ടിക്കാട്, ആനക്കയം പഞ്ചായത്തുകളില് മുഴുവന് വീടുകളിലും സര്വേ നടത്തും. പൂര്ണമായി ഐസൊലേഷനില് ഉള്ളവര്ക്ക് വേണ്ടി സഹായത്തിന് വളണ്ടിയര്മാരെ നിയോഗിച്ചിട്ടുണ്ട്. പൊലീസ് പെട്രോളിംഗുണ്ട്.
