ഉത്തരകാശി: സില്ക്യാര തുരങ്കത്തിനുള്ളില് കുടുങ്ങിയ 41 തൊഴിലാളികള്ക്ക് വേണ്ടിയുള്ള രക്ഷാപ്രവര്ത്തനം പുനരാരംഭിച്ചു. രക്ഷാപ്രവര്ത്തനം ഡ്രില്ലിംഗ് മെഷീനിലെ തകരാര് കാരണം വ്യാഴാഴ്ച താല്ക്കാലികമായി നിര്ത്തിവെച്ചതായിരുന്നു.
ഇനിയുള്ള മണിക്കൂറുകളില് തൊഴിലാളികളുടെ മാനസിക സമ്മര്ദ്ദം ഒഴിവാക്കാന് ബോര്ഡ് ഗെയിമുകളും പ്ലേയിംഗ് കാര്ഡുകളും നല്കാന് രക്ഷാപ്രവര്ത്തകര് പദ്ധതിയിടുന്നതായി ഒരു ഉദ്യോഗസ്ഥന് പറഞ്ഞു. രക്ഷാപ്രവര്ത്തനം നടത്തുന്ന സ്ഥലത്തെ സൈക്യാട്രിസ്റ്റുകളില് ഒരാളായ ഡോ. രോഹിത് ഗോണ്ട്വാള് പറഞ്ഞു, കുടുങ്ങിയ തൊഴിലാളികളുടെ സമ്മര്ദ്ദം ഒഴിവാക്കാന് സഹായിക്കുന്നതിന് ലൂഡോ, ചെസ്സ് ബോര്ഡുകളും പ്ലേയിംഗ് കാര്ഡുകളും നല്കാന് ഞങ്ങള് പദ്ധതിയിടുന്നു. ഓപ്പറേഷന് വൈകുകയാണ്, അത് കൊണ്ട് അവരുടെ മാനസിക സമ്മര്ദ്ദം ഒഴിവാക്കേണ്ടതുണ്ട്.
ഡോക്ടര്മാരുടെ ഒരു സംഘം ദിവസവും തൊഴിലാളികളോട് സംസാരിക്കുകയും അവരുടെ ആരോഗ്യവും മാനസികാവസ്ഥയും ചോദിക്കുകയും ചെയ്യുന്നുണ്ട്. 48 മീറ്റര് വരെ അവശിഷ്ടങ്ങള് തുരത്താന് രക്ഷാപ്രവര്ത്തകര്ക്ക് കഴിഞ്ഞതായി ഉദ്യോഗസ്ഥര് അറിയിച്ചു. എന്നിരുന്നാലും, കുടുങ്ങിക്കിടക്കുന്ന തൊഴിലാളികളെ ഒഴിപ്പിക്കാന് അനുവദിക്കുന്നതിന് 10-12 മീറ്റര് കൂടി തുരക്കേണ്ടതുണ്ട്. ഉത്തരകാശി, ഡെറാഡൂണ് എന്നിവിടങ്ങളില് നിന്നുള്ള ജനറല് ഫിസിഷ്യന്മാരും സൈക്യാട്രിസ്റ്റുകളും ഉള്പ്പെടെ ഡോക്ടര്മാരുടെ സംഘം സ്ഥലത്ത് നിലയുറപ്പിച്ചിട്ടുണ്ട്.
