പ്രമുഖ സിനിമാ, സീരിയല് താരം മേഴത്തൂര് മോഹനകൃഷ്ണന് അന്തരിച്ചു. 74 വയസ്സായിരുന്നു. പത്ത് വര്ഷത്തോളമായി കിടപ്പിലായിരുന്നു. സഹനടനായി നിരവധി സിനിമാ, സീരിയലുകളുടെ ഭാഗമായി പ്രവര്ത്തിച്ചിട്ടുണ്ട്. സംവിധായകരായ ലോഹിതദാസ്, ജയരാജ് എന്നിവരോടുള്ള അടുപ്പമാണ്, നാടകരംഗത്തു നിന്ന് മോഹനകൃഷ്ണനെ സിനിമയിലേക്കെത്തിച്ചത്.
പൈതൃകം (1993), കാരുണ്യം (1997), മാനസം (1997) അയാള് കഥയെഴുതുകയാണ് (1998), ഇംഗ്ളീഷ് മീഡിയം (1999), തിളക്കം (2003) ദേശാടനം, എന്നിവ മോഹനകൃഷ്ണന് അഭിനയിച്ച ശ്രദ്ധേയമായ സിനിമകളില് ചിലതാണ്. ‘കാരുണ്യ’ത്തിലെ വേഷം ശ്രദ്ധേയമായിരുന്നു. കായംകുളം കൊച്ചുണ്ണി എന്ന സീരിയലിലും അഭിനയിച്ചിട്ടുണ്ട്.
