ഗവര്ണര് ആരിഫ് മുഹമ്മദ് ഖാനെതിരെ രാഷ്ട്രപതിക്ക് കത്തയച്ച് സര്ക്കാര്. ഗവര്ണറെ തിരികെ വിളിക്കണം എന്നാവശ്യപ്പെട്ടാണ് കത്ത്. ഗവര്ണര് ചുമതല നിറവേറ്റുന്നില്ലെന്നും നിരന്തരം പ്രോട്ടോകോള് ലംഘനം നടത്തുന്നുവെന്നും കത്തില് പറയുന്നു. പ്രധാനമന്ത്രിക്കും ഇതേ കത്ത് അയച്ചിട്ടുണ്ട്.
കോഴിക്കോട് മിഠായി തെരുവില് ഗവര്ണറുടെ അപ്രഖ്യാപിത സന്ദര്ശനവും ചൂണ്ടിക്കാട്ടിയാണ് കത്തിലെ പരാമര്ശങ്ങള്. കത്തയച്ചത് കഴിഞ്ഞ ദിവസമാണെങ്കിലും ഈ വിവരം സര്ക്കാര് പുറത്തുവിട്ടിരുന്നില്ല. വിഐപി എന്ന നിലയിലുള്ള പ്രോട്ടക്കോള് ഗവര്ണര് ലംഘിച്ച് യാത്ര ചെയ്തെന്നും അതുണ്ടാക്കുന്ന ക്രമസമാധാന പ്രശ്നങ്ങളും ചൂണ്ടിക്കാട്ടിയാണ് കത്ത്. രാഷ്ട്രപതിയെ അഡ്രസ് ചെയ്തുകൊണ്ടുള്ള കത്തില് ഗവര്ണര് ഭരണഘടന ചുമതല വഹിക്കുന്നില്ലെന്നും വ്യക്തമാക്കുന്നു.
