ആലപ്പുഴ: അഡ്വ. രണ്ജിത് ശ്രീനിവാസന് വധക്കേസിലെ 15 പ്രതികള്ക്കും വധശിക്ഷ. അപൂര്വങ്ങളില് അപൂര്വമായ കേസാണെന്ന് നിരീക്ഷിച്ച് കൊണ്ടാണ് 15 പ്രതികള്ക്കും കോടതി വധശിക്ഷ വിധിച്ചത്. മാവേലിക്കര അഡീഷണല് സെഷന്സ് ജഡ്ജി വി.ജി. ശ്രീദേവിയാണ് ശിക്ഷ പ്രഖ്യാപിച്ചത്. പോപ്പുലര് ഫ്രണ്ട് പ്രവര്ത്തകരാണ് പ്രതികളെല്ലാം.
കേസില് ആദ്യഘട്ടത്തില് വിചാരണ നേരിട്ട 15 പ്രതികള് കുറ്റക്കാരാണെന്ന് ശനിയാഴ്ച കോടതി കണ്ടെത്തിയിരുന്നു. പോപ്പുലര് ഫ്രണ്ട് പ്രവര്ത്തകരാണ് പ്രതികളെല്ലാം. കുറ്റകൃത്യത്തില് നേരിട്ട് പങ്കാളികളായ 12 പേരും മുഖ്യ ആസൂത്രകരായ 3 പേരുമാണ് ആദ്യ ഘട്ടത്തില് വിചാരണ നേരിട്ടവര്.
2021 ഡിസംബര് 19നാണ് രഞ്ജിത്ത് ശ്രീനിവാസനെ ആലപ്പുഴ വെള്ളക്കിണറിലുള്ള വീട്ടില് കയറി അമ്മയുടെയും ഭാര്യയുടെയും മകളുടെയും മുന്നിലിട്ട് വെട്ടി കൊലപ്പെടുത്തി എന്നതാണ് കേസ്. പോപ്പുലര് ഫ്രണ്ട് പ്രവര്ത്തകരായ 15 പ്രതികളെ കുറ്റക്കാരെന്ന് കോടതി കണ്ടെത്തുകയായിരുന്നു.
രാവിലെ 11ന് മാവേലിക്കര അഡീഷണല് സെഷന്സ് കോടതി ജഡ്ജി വിജി ശ്രീദേവിയാണ് ശിക്ഷ വിധിച്ചത്. അപൂര്വങ്ങളില് അപൂര്വമായ കേസാണ് ഇതെന്നും പരമാവധി ശിക്ഷ നല്കണമെന്നുമാണ് പ്രോസിക്യൂഷന് വാദിച്ചിരുന്നത്. കേസിന്റെ പ്രാധാന്യം കണക്കിലെടുത്ത് ആലപ്പുഴ ജില്ലയില് പൊലീസ് കനത്ത ജാഗ്രതയിലാണ്.
