വയനാട്: മുള്ളന്കൊല്ലിയിലെ ജനങ്ങളെ ഭീതിയിലാഴ്ത്തിയ കടുവയെ പിടികൂടി. വാടാനകവലയ്ക്ക് സമീപനം വനമൂലികയില് ഒരാഴ്ച മുമ്പ് സ്ഥാപിച്ച കൂട്ടിലാണ് കടുവ കുടുങ്ങിയത്. നാല് കൂടുകളായിരുന്നു പ്രദേശത്ത് സ്ഥാപിച്ചത്. പിടികൂടിയ കടുവയെ കുപ്പാടിയിലേക്ക് മാറ്റും.
അതേ സമയം, കടുവയുടെ ആരോഗ്യം, ഇരതേടാനുള്ള കഴിവ് എന്നിവ പരിശോധിച്ച ശേഷമാവും പുനരധിവാസത്തില് തീരുമാനമെടുക്കുക. രണ്ടുമാസമായി മുള്ളന്കൊല്ലി മേഖലയില് കടുവ സാന്നിധ്യമുണ്ട്. ഇന്നലെ മുള്ളന്കൊല്ലി ടൗണില് കടുവ ഇറങ്ങി. പശുകിടാവിനെ ആക്രമിച്ച് കൊന്നു. മുള്ളന്കൊല്ലി കാക്കനാട്ട് തോമസിന്റെ ഒരു വയസ്സ് പ്രായമുള്ള പശുകിടാവിനെയാണ് ഞായറാഴ്ച പുലര്ച്ചെ കൊന്നത്.
