കൊച്ചി: ഡോക്ടര് ഷഹനയുടെ ആത്മഹത്യ കേസില് അറസ്റ്റിലായ പ്രതി ഡോ. റുവൈസിന്റെ പിജി പഠനം തുടരാന് അനുവദിക്കണമെന്ന സിംഗിള് ബെഞ്ച് ഉത്തരവ് ഹൈക്കോടതി ഡിവിഷന് ബെഞ്ച് തടഞ്ഞു. ചീഫ് ജസ്റ്റിസ് അധ്യക്ഷനായ ഡിവിഷന് ബെഞ്ചിന്റേതാണ് നടപടി. തിരുവനന്തപുരം മെഡിക്കല് കോളേജ് പ്രിന്സിപ്പലിന്റെ അപ്പീലിലാണ് ഹൈക്കോടതിയുടെ നടപടി.
റുവൈസിന്റെ സസ്പെന്ഷന് മൂന്ന് മാസത്തേക്ക് കൂടി നീട്ടാന് കോളേജ് അധികൃതര് നേരത്തെ തീരുമാനിച്ചിരുന്നു. ഇക്കാര്യം പരിശോധിക്കാന് സര്ക്കാര് കമ്മിറ്റിയെ നിയോഗിക്കുകയും ചെയ്തിരുന്നു. കമ്മിറ്റി ഒരാഴ്ചയ്ക്കകം അച്ചടക്ക നടപടി പുനഃപരിശോധിച്ച് തീരുമാനമെടുക്കാന് ഡിവിഷന് ബെഞ്ച് നിര്ദേശം നല്കി.
