തൃശ്ശൂര് ഇത്തവണ എടുത്തിരിക്കുമെന്ന് എന്ഡിഎ സ്ഥാനാര്ത്ഥി സുരേഷ് ഗോപി. ജൂണ് 4ന് തൃശൂരിന് ഉയര്പ്പാണ് സംഭവിക്കാന് പോകുന്നതെന്നും തൃശൂര് എടുക്കാന് വേണ്ടി തന്നെയാണ് താന് വന്നതെന്നും സുരേഷ് ഗോപി പറഞ്ഞു. തൃശൂര് വഴി കേരളത്തിന്റെ ഉയര്പ്പ് സംജാതമാകണമെന്നും അദ്ദേഹം കൂട്ടിച്ചേര്ത്തു. മൂന്നാം മോദി സര്ക്കാര് അധികാരത്തിലെത്തിയാല് സഹകരണ മേഖലയില് പൊളിച്ചെഴുത്തുണ്ടാകുമെന്നും സുരേഷ് ഗോപി വ്യക്തമാക്കി.
അതേ സമയം മുഖ്യമന്ത്രി പിണറായി വിജയനെതിരെ സുരേഷ് ഗോപി വന് വിമര്ശനമുയര്ത്തി. കേരളത്തിലെ ക്യാപ്റ്റന് ഇപ്പോള് ശക്തനല്ല, കാലിനടിയിലെ മണ്ണൊലിച്ചുപോയിരിക്കുകയാണെന്നും സുരേഷ് ഗോപി പരിഹസിച്ചു. കേരളത്തിലും കൊടുങ്കാറ്റ് വീശി അടിക്കും കപ്പല് ആടി ഉലയുമെന്നും സുരേഷ് ഗോപി കൂട്ടിച്ചേര്ത്തു.
