പത്തനംതിട്ട: തുലാപ്പള്ളിയില് വീട്ടുമുറ്റത്ത് വെച്ച് കാട്ടാന അക്രമിച്ച് കൊന്ന ബിജുവിന്റെ കുടുംബത്തിന് 10 ലക്ഷം രൂപ നഷ്ടപരിഹാരം ഇന്നു തന്നെ നല്കും. ഓട്ടോ ഡ്രൈവറായ ബിജുവിനെ ആക്രമിച്ചു കൊലപ്പെടുത്തിയ ഒറ്റയാനെ വെടിവെച്ചു കൊല്ലാനും കലക്ടറുടെ അധ്യക്ഷതയില് ചേര്ന്ന യോഗത്തില് തീരുമാനിച്ചു. കൂടാതെ ബിജുവിന്റെ മകന് താല്ക്കാലിക ജോലി നല്കും. പിന്നീട് ഒഴിവു വരുന്ന മുറയ്ക്ക് ജോലി സ്ഥിരമാക്കും.
ഡെപ്യൂട്ടി റേഞ്ചറെ സസ്പെന്ഡ് ചെയ്യണണെന്ന് ആവശ്യപ്പെട്ട് നാട്ടുകാര് പ്രതിഷേധിച്ചിരുന്നു. ബിജുവിന്റെ മരണത്തില് പ്രതിഷേധിച്ച് നാട്ടുകാര് കണമല ഫോറസ്റ്റ് സ്റ്റേഷനിലേക്ക് മാര്ച്ച് നടത്തിയിരുന്നു. ആന്റോ ആന്റണി എംപി ഫോറസ്റ്റ് സ്റ്റേഷനു മുന്നില് സമരം തുടങ്ങിയതിന് പിന്നാലെയാണ് ജനകീയ പ്രതിഷേധം സ്റ്റേഷനിലേക്കെത്തിയത്.
