മലപ്പുറം: പൊന്നാനിയില് സ്ത്രീയുടെ പരാതിയില് ആളുമാറി യുവാവിനെ ജയിലില് അടച്ചു. വെളിയങ്കോട് സ്വദേശി ആലുങ്ങല് അബൂബക്കറിനെയാണ് ആളുമാറി അറസ്റ്റ് ചെയ്തത്. ഭര്ത്താവ് ജീവനാംശം നല്കുന്നില്ലെന്ന പരാതിയില് വടക്കേപ്പുറത്ത് അബൂബക്കറിന് പകരം ആലുങ്ങല് അബൂബക്കറിനെ പൊന്നാനി പൊലീസ് അറസ്റ്റ് ചെയ്യുകയായിരുന്നു. നിലവില് വടക്കേപ്പുറത്ത് അബൂബക്കര് ഗള്ഫിലാണ്.
നിരപരാധിയായ വെളിയങ്കോട് സ്വദേശി ആലുങ്ങല് അബൂബക്കറിനെ നാലു ദിവസം ജയിലിലടച്ചു. വടക്കേ പുറത്ത് അബൂബക്കര് ഗാര്ഹിക പീഡന കേസില് ശിക്ഷിക്കപ്പെട്ടയാളാണ്. ബന്ധുക്കള് പരാതിയുമായി കോടതിയെ സമീപിച്ചതോടെ അബൂബക്കര് ജയില് മോചിതനാവുകയായിരുന്നു. ഭാര്യയുടെ പരാതിയിലാണ് വടക്കേപ്പുറത്ത് അബൂബക്കറിനെ അറസ്റ്റുചെയ്യാന് കോടതി നിര്ദേശിച്ചത്. 4 ലക്ഷം പിഴ അടച്ചില്ലെങ്കില് റിമാന്ഡ് ചെയ്യാനും തിരൂര് കുടുംബ കോടതി നിര്ദേശിച്ചിരുന്നു.
