ചെന്നൈ: സിനിമയ്ക്കു പിന്നാലെ നാടകത്തില് അഭിനയ മികവു തെളിയിക്കാനൊരുങ്ങി പ്രമുഖ വ്യവസായി ഗോകുലം ഗോപാലന്. ചെന്നൈയിലെ മലയാളനാടകവേദിയുടെ പ്രമുഖ മുഖങ്ങളിലൊന്നായ ടീം ആര്ട്സിന്റെ ഏറ്റവും പുതിയ നാടകമായ ‘ഒമ്പതാംഭാവം’ എന്ന നാടകത്തിലൂടെയാണ് ഗോകുലം ഗോപാലന്റെ അരങ്ങേറ്റം. ചെന്നൈയിലെ മലയാളികള്ക്കു മുന്നില് ഈ മാസം 30 ന് ഞായറാഴ്ച വൈകുന്നേരം ആറരക്കാണ് മലയാളി ക്ലബ് ഓഡിറ്റോറിയത്തില് നാടകം അരങ്ങേറുന്നത്. ജോഫിന് മണിമല എഴുതി അശ്വിന് ജയപ്രകാശ് സംവിധാനം ചെയ്യുന്ന നാടകമാണ്. ഇതിനോടകം തന്നെ നാടക വേദികളില് മികച്ച അഭിനതോവെന്നു പേരെടുത്ത ഡോ.എവി അനൂപും നാടകത്തിലുണ്ട്. കെ.പി ലത്തീഫ്, ഗിരീഷ് അയ്യപ്പത്ത്, എം.സി വിനോദ്കുമാര്, കെ.ആര് ഗോപാലകൃഷ്ണന് തുടങ്ങിയവരാണ് മറ്റ് അഭിനേതാക്കള്.
പ്രമുഖ വ്യവസായിയും സിനിമ നിര്മാതാവും നടനുമായ ഗോകുലം ഗോപാലന് അരങ്ങേറ്റം കുറിക്കുന്ന ആദ്യനാടകമാണിത്. അദ്ദേഹത്തിന്റെ വിതരണ കമ്പനിയായ ശ്രീ ഗോകുലം മൂവീസ് അവസാനമായി വിതരണം ചെയ്ത സിനിമയാണ് മഞ്ഞുമ്മല് ബോയ്സ്. 200 കോടിയിലധികം വരുമാനം നേടുന്ന മലയാള ചലച്ചിത്ര വ്യവസായത്തിലെ ആദ്യ ചിത്രമായി മാറി. തമിഴ് സൂപ്പര്സ്റ്റാര് വിജയുടെ അച്ഛന് ചന്ദ്രശേഖര് ആദ്യമായി സംവിധാനം ചെയ്ത ചിത്രത്തിന്റെ നിര്മ്മാതാവ് എന്ന നിലയിലാണ് ഗോപാലന് ശ്രദ്ധേയനായത്. നേതാജി, പാത്തോന്പതാം നൂറ്റാണ്ട്, പകലും പാതിരവും തുടങ്ങിയ ഏതാനും ചിത്രങ്ങളിലും അദ്ദേഹം അഭിനയിച്ചിട്ടുണ്ട്. ചലച്ചിത്ര വ്യവസായത്തിനൊപ്പം, അതിവേഗം വളരുന്ന മലയാളം ടെലിവിഷന് വാര്ത്താ ചാനലിലും ഗോകുലം ഗ്രൂപ്പിന് ഒരു സുപ്രധാന സ്ഥാനം ഉണ്ട്.
പ്രധാന അഭിനേതാക്കളില് ഒരാളായ ഡോ.എവി അനൂപ് നാടക വേദികളില് വിസ്മയിപ്പിക്കുന്ന വേഷങ്ങള് പകര്ന്നാടിയിട്ടുണ്ട്. അനൂപ് ഒരു മികച്ച സംരംഭകനാണ്. ലോകത്തിലെ ഏറ്റവും വലിയ വില്പ്പനയുള്ള ആയുര്വേദ ബാത്ത് സോപ്പ് ‘മെഡിമിക്സിന്റെ’ വിജയകരമായ യാത്രയുടെ ഭാഗമായി, 41 വര്ഷമായി സോപ്പ് നിര്മ്മാണം, ഫാര്മസ്യൂട്ടിക്കല്സ്, ഭക്ഷ്യ വ്യവസായം എന്നിവയില് അപാരമായ അറിവ് നേടിയിട്ടുണ്ട്. വിവിധ വിഷയങ്ങളില് നാടകം അവതരിപ്പിക്കുന്നതില് അര്പ്പണബോധമുള്ള ഒരു സ്റ്റേജ് ആര്ട്ടിസ്റ്റാണ് അനൂപ്. കലാപരമായും ബിസിനസ്പരമായും നിരവധി അവാര്ഡുകള്ക്ക് അര്ഹനായ വ്യക്തികൂടിയാണ്. പ്രതിസന്ധികളുടെ അതിരുകള് ഭേദിച്ച് പ്രതീക്ഷാ നിര്ഭരമായി മുന്നേറി വിജയം കൈവരിച്ച അദ്ദേഹത്തിന്റെ ജീവിതകഥ ‘യൂടേണ്’ എന്ന പുസ്തകത്തിലൂടെ അദ്ദേഹം സമര്പ്പിച്ചിട്ടുണ്ട്
