കണ്ണൂര്: പടിയൂര് പുവംകടവില് ഒഴുക്കില്പ്പെട്ട വിദ്യാര്ഥിനികള്ക്കായുള്ള തിരച്ചില് തുടരുന്നു. ഇരിക്കൂര് സിബ്ഗകോളേജ് സൈക്കോളജി അവസാന വര്ഷ ബിരുദ വിദ്യാര്ഥിനികളായ എടയന്നൂര് തെരൂര് അഫ്സത്ത് മന്സിലില് മുഹമ്മദ് കുഞ്ഞിയുടെയും അഫ്സത്തിന്റെയും മകള് ഷഹര്ബാന (20)ചക്കരക്കല് നാലാം പീടികയിലെ ശ്രീലക്ഷ്മി ഹൗസില് പ്രദീഷിന്റെയും സൗമ്യയുടെയും മകള് സൂര്യ (21) എന്നിവരാണ് ഒഴുക്കില്പ്പെട്ടത്.
പരീക്ഷ കഴിഞ്ഞ് സഹപാഠി ജസ്നയ്ക്കൊപ്പം പടിയൂരിനടുത്തെ വീട്ടില് എത്തിയതായിരുന്നു. അതിനിടെ പുഴയും പഴശി അണക്കെട്ടിന്റെ ഭാഗങ്ങളും കാണാനായി വിദ്യാര്ത്ഥിനികള് പൂവം കടവിലെത്തുകയായിരുന്നു. മഴയില് കുതിര്ന്ന മണ്തിട്ട ഇടിഞ്ഞു ഇരുവരും പുഴയിലേക്ക് വീഴുകയായിരുന്നു. ജസ്നയുടെ നിലവിളി കേട്ടാണ് നാട്ടുകാര് ഓടിയെത്തിയത്.
ഇരുവരും മീന്പിടുത്തക്കാരുടെ വലയില്പ്പെട്ടുവെങ്കിലും വലിച്ചു രക്ഷപ്പെടുത്താന് ശ്രമിക്കുന്നതിനിടെ വേര്പ്പെട്ടു പോവുകയായിരുന്നു ചൊവ്വാഴ്ച്ച വൈകിട്ട്, അഞ്ചു മണിയോടെയാണ് അപകടം ഉണ്ടായത്. ഉടനെ തന്നെ ഫയര്ഫോഴ്സും തിരച്ചില് വിദഗ്ദരും എത്തി തിരച്ചില് നടത്തിയെങ്കിലും കണ്ടെത്താനായില്ല.
