കോഴിക്കോട്: കൂത്തുപറമ്പ് വെടിവെയ്പ്പിലെ ജീവിച്ചിരുന്ന സമരനായകന് പുഷ്പന് അന്തരിച്ചു. ആരോഗ്യപ്രശ്നങ്ങളെത്തുടര്ന്ന് കോഴിക്കോട്ടെ സ്വകാര്യ ആശുപത്രിയില് ചികിത്സയിലിരിക്കെയാണ് അന്ത്യം. ആഗസ്റ്റ് രണ്ടിനാണ് ആരോഗ്യനില വഷളായതിനെ തുടര്ന്ന് ആശുപത്രിയില് പ്രവേശിപ്പിച്ചത്. പിന്നീട് തീവ്രപരിചരണ വിഭാഗത്തിലേയ്ക്ക് മാറ്റിയിരുന്നു. കഴിഞ്ഞ മാസം കോഴിക്കോടെത്തിയ മുഖ്യമന്ത്രി പിണറായി വിജയന് പുഷ്പന്റെ ആരോഗ്യപുരോഗതിയെക്കുറിച്ച് വിലയിരുത്തിരുന്നു.
കൂത്തുപറമ്പില് 1994 നവംബര് 25 ന് ഉണ്ടായ വെടിവെയ്പിലാണ് പുഷ്പന് വെടിയേല്ക്കുന്നത്. ഇതോടെ ശരീരം തളര്ന്ന് പുഷ്പന് കിടപ്പിലായി. അന്നത്തെ സഹകരണ മന്ത്രിയായിരുന്ന എം വി രാഘവന് നേരെ ഡിവൈഎഫ്ഐ നടത്തിയ പ്രതിഷേധത്തിലേക്ക് പൊലീസ് വെടിയുതിര്ക്കുകയായിരുന്നു. കെ കെ രാജീവന്, കെ വി റോഷന്, വി മധു, സി ബാബു, ഷിബുലാല് തുടങ്ങിയ അഞ്ച് ഡിവൈഎഫ്ഐ പ്രവര്ത്തകര് ഈ വെടിവെയ്പില് കൊല്ലപ്പെട്ടിരുന്നു.
