മഞ്ചേശ്വരം തിരഞ്ഞെടുപ്പ് കോഴക്കേസില് മുഴുവന് പ്രതികളും കുറ്റവിമുക്തരാക്കിയ കോടതി ഉത്തരവിലൂടെ സത്യം ജയിച്ചെന്ന് മുന് കേന്ദ്രമന്ത്രി വി.മുരളീധരന്. ബിജെപി സംസ്ഥാന അധ്യക്ഷന് രാഷ്ട്രീയ ശത്രുക്കളുടെ പകവീട്ടലിന് ഇരയാകുകയായിരുന്നു. നീതിപീഠം അദ്ദേഹത്തിന് നീതി ഉറപ്പാക്കിയിരിക്കുന്നുവെന്നും വി.മുരളീധരന് പ്രതികരിച്ചു. കോടതി ഉത്തരവ് വ്യക്തിപരമായി അദ്ദേഹത്തിന് മാത്രമല്ല, ഭാരതീയ ജനതാപാര്ട്ടിക്കാകെ ഉണര്വേകുന്നതാണ് എന്നും വി.മുരളീധരന് പ്രതികരിച്ചു.
മഞ്ചേശ്വരം തെരഞ്ഞെടുപ്പ് കോഴ കേസില് ബിജെപി സംസ്ഥാന പ്രസിഡന്റ് സുരേന്ദ്രന് ഉള്പ്പെടെ മുഴുവന് പ്രതികളെയും കുറ്റവിമുക്തരാക്കി. കാസര്ഗോഡ് ജില്ലാ സെഷന്സ് കോടതിയാണ് കേസ് നിലനില്ക്കില്ലെന്ന വാദം അംഗീകരിച്ചത്. 2021ലെ നിയമസഭാ തെരഞ്ഞെടുപ്പില് മഞ്ചേശ്വരത്തെ ബിഎസ്പി സ്ഥാനാര്ത്ഥിയായിരുന്ന സുന്ദരയ്ക്ക് സ്ഥാനാര്ത്ഥിത്വം പിന്വലിക്കാന് രണ്ടര ലക്ഷം രൂപയും സ്മാര്ട്ട് ഫോണും നല്കിയെന്നും ഭീഷണിപ്പെടുത്തിയെന്നുമായിരുന്നു കേസ്. ബിജെപി സംസ്ഥാന അധ്യക്ഷന് കെ സുരേന്ദ്രനായിരുന്നു കേസിലെ ഒന്നാം പ്രതി.
