കൊച്ചി: പൊന്നാനിയില് പരാതി നല്കാനെത്തിയ വീട്ടമ്മയെ പീഡിപ്പിച്ചെന്ന കേസില് പുതിയ തീരുമാനമെടുക്കാന് മജിസ്ട്രേറ്റ് കോടതിക്ക് ഹൈക്കോടതിയുടെ നിര്ദ്ദേശം. പൊലീസ് ഉദ്യോഗസ്ഥര്ക്കെതിരെ കേസെടുക്കാനുള്ള ഉത്തരവാണ് ഹൈക്കോടതി റദ്ദാക്കിയത്. ആരോപണവിധേയനായ പൊലീസ് സര്ക്കിള് ഇന്സ്പെക്ടര് വിനോദ് നല്കിയ ഹര്ജിയിലാണ് ഹൈക്കോടതി ഡിവിഷന് ബെഞ്ചിന്റെ ഉത്തരവ്.
മലപ്പുറം മുന് എസ് പി സുജിത് ദാസ് ഉള്പ്പെടെയുള്ളവര് പീഡിപ്പിച്ചെന്നായിരുന്നു പൊന്നാനി സ്വദേശിനിയായ യുവതിയുടെ പരാതി. നേരത്തെ ഹൈക്കോടതി സിംഗിള് ബെഞ്ച് നിര്ദ്ദേശ പ്രകാരമാണ് പൊന്നാനി മജിസ്ട്രേറ്റ് കോടതി പൊലീസുകാര്ക്കെതിരെ കേസെടുക്കാന് ഉത്തരവിട്ടത്. ഈ ഉത്തരവാണ് ഡിവിഷന് ബെഞ്ച് റദ്ദാക്കിയത്. എസ്പി സുജിത് ദാസ്, ഡിവൈഎസ്പി, സിഐ തുടങ്ങിയവര് പീഡനത്തിന് ഇരയാക്കി എന്നായിരുന്നു യുവതി ആരോപിച്ചിരുന്നത്.
