തിരുവനന്തപുരം: പാലക്കാട് ഉപതെരഞ്ഞെടുപ്പില് വിജയിച്ച രാഹുല് മാങ്കൂട്ടത്തിലും ചേലക്കരയില് വിജയിച്ച യുആര് പ്രദീപും എംഎല്എമാരായി ഡിസംബര് നാലിന് സത്യപ്രതിജ്ഞ ചെയ്യും. ഉച്ചയ്ക്ക് 12ന് നിയമസഭാ മെംബെഴ്സ് ലോഞ്ചിലാണ് ചടങ്ങെന്ന് സ്പീക്കറുടെ ഓഫീസ് അറിയിച്ചു. നിയുക്ത എംഎല്എമാര്ക്ക് സ്പീക്കര് എഎന് ഷംസീര് സത്യവാചകം ചൊല്ലിക്കൊടുക്കും.
ചേലക്കരയില് ഇടതുമുന്നണി സ്ഥാനാര്ത്ഥി യുആര് പ്രദീപ് 12,201 വോട്ടുകളുടെ ഭൂരിപക്ഷത്തിലാണ് വിജയിച്ചത്. പാലക്കാട് മണ്ഡലത്തിലെ തന്നെ ഏറ്റവും ഉയര്ന്ന റെക്കോര്ഡ് ഭൂരിപക്ഷമാണ് രാഹുല് കരസ്ഥമാക്കിയത്. 18,840 വോട്ടുകളുടെ ഭൂരിപക്ഷത്തിനാണ് രാഹുല് വിജയിച്ചത്.
ചേലക്കര എംഎല്എ കെ രാധാകൃഷ്ണനും പാലക്കാട് എംഎല്എ ഷാഫി പറമ്പിലും ലോക്സഭാ തെരഞ്ഞടുപ്പില് ജയിച്ചതോടെയാണ് ഇരുമണ്ഡലത്തിലും ഉപതെരഞ്ഞെടുപ്പ് വേണ്ടിവന്നത്. ചേലക്കര എല്ഡിഎഫും പാലക്കാട് യുഡിഎഫും നിലനിര്ത്തി.
