പൂനെ: നാഷണലിസ്റ്റ് കോണ്ഗ്രസ് പാര്ട്ടി അധ്യക്ഷന് ശരദ് പവാറിന് മഹാരാഷ്ട്രയിലെ പൂനെ ജില്ലയിലെ സ്വന്തം നാടായ ബാരാമതിയില് ഒരു യോഗത്തിനിടെ ദേഹാസ്വാസ്ഥ്യം അനുഭവപ്പെട്ടതായും ഡോക്ടര്മാര് വിശ്രമം നിര്ദ്ദേശിച്ചതായും പാര്ട്ടി വൃത്തങ്ങള് അറിയിച്ചു.
ശനിയാഴ്ച വൈകുന്നേരം തന്റെ കുടുംബത്തിന്റെ നിയന്ത്രണത്തിലുള്ള വിദ്യാ പ്രതിഷ്ഠാനിലെ ഒരു മീറ്റിംഗില് പവാറിന് അസ്വസ്ഥത അനുഭവപ്പെടുകയായിരുന്നു. 82 കാരനായ നേതാവ് ദീപാവലിക്ക് ബാരാമതിയിലായിരുന്നു. ഞായറാഴ്ച പൂനെ ജില്ലയിലെ പുരന്ദറിലേക്ക് നടത്താനിരുന്ന അദ്ദേഹത്തിന്റെ സന്ദര്ശനം റദ്ദാക്കിയതായി വൃത്തങ്ങള് കൂട്ടിച്ചേര്ത്തു.
