കുസാറ്റ് അപകടത്തിൽപ്പെട്ട 25 വിദ്യാർത്ഥികൾ ആശുപത്രി വിട്ടു. നിലവിൽ 18 പേരാണ് ചികത്സയിലുള്ളത്. ഐസിയുയിൽ ഉള്ളത് ഏഴ് പേരുമാണുള്ളത്. പരുക്കേറ്റ് സ്വകാര്യ ആശുപത്രിയില് ഐസിയുവില് ചികിത്സയില് കഴിയുന്ന 2 വിദ്യാര്ത്ഥിനികളുടെ ആരോഗ്യ നിലയില് പുരോഗതിയുണ്ടെന്ന് ആരോഗ്യമന്ത്രി വീണാ ജോര്ജ് അറിയിച്ചു. രണ്ടുപേരെയും വെന്റിലേറ്ററിൽ നിന്ന് മാറ്റി. ഇവരടക്കം 17 പേരാണ് വിവിധ ആശുപത്രികളിലായി നിലവിൽ ചികിത്സയിലുള്ളത്.
അതേസമയം, ക്യാമ്പസില് അപകടം നടന്ന ഓഡിറ്റോറിയത്തില് വിദഗ്ധ സംഘം പരിശോധന നടത്തി. ഉന്നത വിദ്യാഭ്യാസ വകുപ്പ് രൂപീകരിച്ച സമിതി അംഗങ്ങളാണ് വിശദമായ പരിശോധന നടത്തിയത്. തിരുവനന്തപുരം എൻജിനിയറിങ് കോളജിൽ നിന്നുള്ള രണ്ടു പേരാണ് ഓഡിറ്റോറിയത്തിൽ സാങ്കേതിക പരിശോധന നടത്തിയത്.
സാങ്കേതിക വിദ്യാഭ്യാസ വകുപ്പ് ഡയറക്ടർ എം എസ് രാജാശ്രീയുടെ നേതൃത്വത്തിലുള്ള സംഘം കുസാറ്റില് പരിശോധന നടത്തുന്നുണ്ട്. ഇവരുടെ റിപ്പോര്ട്ട് ലഭിച്ചശേഷം സംഭവത്തിൽ തുടര്നടപടിയെടുക്കുമെന്നും ഉന്നത വിദ്യാഭ്യാസ മന്ത്രി ആര്. ബിന്ദു പറഞ്ഞു.
