ന്യൂഡല്ഹി: കഴിഞ്ഞ വര്ഷം കര്ണാടകയിലെ മംഗളൂരുവില് ഇസ്ലാമിക് സ്റ്റേറ്റ് നടത്തിയ പ്രഷര് കുക്കര് സ്ഫോടനത്തില് അറസ്റ്റിലായ രണ്ട് പ്രതികള്ക്കെതിരെ എന്ഐഎ ബുധനാഴ്ച കുറ്റപത്രം സമര്പ്പിച്ചു. ഇന്ത്യന് ശിക്ഷാ നിയമത്തിലെയും സ്ഫോടകവസ്തു നിയമത്തിലെയും വിവിധ വകുപ്പുകള് പ്രകാരം പ്രത്യേക ദേശീയ അന്വേഷണ ഏജന്സി (എന്ഐഎ) കോടതിയില് മുഹമ്മദ് ഷാരിഖിനും സയ്യിദ് ഷാരിഖിനുമെതിരെ കുറ്റപത്രം സമര്പ്പിച്ചു.
പ്രഷര് കുക്കര് ഐഇഡി (ഇംപ്രൊവൈസ്ഡ് സ്ഫോടകവസ്തു) ഓട്ടോറിക്ഷയില് കൊണ്ടുപോവുകയായിരുന്ന മുഹമ്മദ് ഷാരിഖ്, ഹിന്ദു സമൂഹത്തില് ഭീതി സൃഷ്ടിക്കുക എന്ന ലക്ഷ്യത്തോടെയാണ് സ്ഫോടനം നടത്താന് പോയത്. കദ്രി മഞ്ജുനാഥ ക്ഷേത്രത്തിലേക്ക് പോകുമ്പോള് വഴിയില് വെച്ച് അബദ്ധത്തില് കുക്കര് പൊട്ടിത്തെറിക്കുകയായിരുന്നു.
