കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെയ്ക്കും സോണിയാ ഗാന്ധിക്കും ജനുവരി 22 ന് അയോധ്യയിലെ രാമക്ഷേത്രത്തിന്റെ പ്രതിഷ്ഠാ ചടങ്ങിനുള്ള ക്ഷണങ്ങള് ലഭിച്ചു. ക്ഷണം സന്തോഷത്തോടെ സോണിയ ഗാന്ധി സ്വീകരിച്ചെന്ന് കോണ്ഗ്രസിന്റെ മുതിര്ന്ന നേതാവ് ദിഗ് വിജയ് സിംഗ് അറിയിച്ചു. മുന് പ്രധാനമന്ത്രി മന്മോഹന് സിംഗ്, എച്ച് ഡി ദേവഗൗഡ, മുന് രാഷ്ട്രപതി രാംനാഥ് കോവിന്ദ് എന്നിവര്ക്ക് ക്ഷണമുണ്ട്.
അയോധ്യ ക്ഷേത്ര ട്രസ്റ്റ് പ്രതിനിധികള് നേരിട്ടെത്തിയാണ് സോണിയ ഗാന്ധിയെ ചടങ്ങിലേക്ക് ക്ഷണിച്ചത്. എല്ലാ രാഷ്ട്രീയ പാര്ട്ടികളുടെയും അധ്യക്ഷന്മാര്ക്കും ക്ഷണമുണ്ടെന്നാണ് വിവരം. എന്നാല്, അയോധ്യരാമക്ഷേത്രത്തിന്റെ പ്രതിഷ്ഠാ ദിന ചടങ്ങില് മുതിര്ന്ന ബിജെപി നേതാക്കളായ എല് കെ അദ്വാനിയും, മുരളീമനോഹര് ജോഷിയും പങ്കെടുക്കില്ല.
വ്യവസായികള്, ശാസ്ത്രജ്ഞര്, അഭിനേതാക്കള്, സൈനിക ഉദ്യോഗസ്ഥര് എന്നിവരെ ഉള്പ്പെടുത്തി ശ്രദ്ധാപൂര്വ്വം തയ്യാറാക്കിയ അതിഥി പട്ടികയെക്കുറിച്ചുള്ള ഉള്ക്കാഴ്ചകള് ട്രസ്റ്റിന്റെ സെക്രട്ടറി ചമ്പത് റായ് പങ്കിട്ടു. ദലൈലാമയും ബാബാ രാംദേവും മുതല് വ്യവസായികളായ ഗൗതം അദാനി, മുകേഷ് അംബാനി, അമിതാഭ് ബച്ചന്, രജനീകാന്ത്, മാധുരി ദീക്ഷിത് നേനെ തുടങ്ങിയ പ്രമുഖ അഭിനേതാക്കളും വരെ ക്ഷണിതാക്കളുണ്ട്.
