ഹരിയാന തെരഞ്ഞെടുപ്പില് ദയനീയ പരാജയം നേരിട്ടതിന് തൊട്ടുപിന്നാലെ വോട്ടിംഗ് യന്ത്രത്തിലെ ക്രമക്കേട് ആരോപിച്ച് കോണ്ഗ്രസ്. ജനറല് സെക്രട്ടറി കെസി വേണുഗോപാല്, ജയറാം രമേഷ്, പവന് ഖേര, അജയ് മാക്കന് എന്നിവരുള്പ്പെടെ മുതിര്ന്ന കോണ്ഗ്രസ് നേതാക്കളുടെ ഒരു സംഘം ഡല്ഹിയിലെ തിരഞ്ഞെടുപ്പ് കമ്മീഷന് ഓഫീസില് എത്തി. പല മണ്ഡലങ്ങളിലെയും വോട്ടെണ്ണല് പ്രക്രിയയില് നിരവധി കോണ്ഗ്രസ് നേതാക്കള് സംശയം പ്രകടിപ്പിച്ച സാഹചര്യത്തിലാണ് യോഗം നടക്കുന്നത്.
നേരത്തെ, ഇവിഎം മെഷീനുകളിലെ പിഴവുകള്ക്കെതിരെ പരാതി നല്കാനുള്ള ശ്രമത്തില് തിരഞ്ഞെടുപ്പ് ബോഡിയുമായി സാധ്യമായ കൂടിക്കാഴ്ചയെക്കുറിച്ച് രാഹുല് ഗാന്ധി എക്സിലെ ഒരു പോസ്റ്റില് സൂചന നല്കിയിരുന്നു.
അതേസമയം ഇന്നലെ കോണ്ഗ്രസ് വക്താക്കള് നടത്തിയ വാര്ത്ത സമ്മേളനം ജനവിധിക്കെതിരാണെന്ന് തിരഞ്ഞെടുപ്പ് കമ്മീഷന് അഭിപ്രായപ്പെട്ടു. കോണ്ഗ്രസ് നിലപാട് ജനാധിപത്യ വിരുദ്ധ സമീപനം ആണെന്നും തിരഞ്ഞെടുപ്പ് കമ്മീഷന് പറഞ്ഞു.
