കാസര്ക്കോട്: നീലേശ്വരം തെരു അഞ്ഞൂറ്റമ്പലം വീരര്ക്കാവ് ക്ഷേത്രത്തിലെ കളിയാട്ടത്തിനിടെ പടക്കപ്പുരക്ക് തീപിടിച്ച് വന് അപകടം. സംഭവത്തില് 154 പേര്ക്ക് പരിക്കേറ്റു. ഇതില് എട്ട് പേരുടെ നില അതീവ ഗുരുതരമാണ്. പൊള്ളലേറ്റവരെയെല്ലാം അടുത്തുള്ള ആശുപത്രികളില് പ്രവേശിപ്പിച്ചു. തിങ്കളാഴ്ച രാത്രി 12 മണിയ്ക്ക് ശേഷമാണ് അപകടമുണ്ടായത്. സ്ത്രീകളും കുട്ടികളുമുള്പ്പെടെയുള്ളവര്ക്ക് പൊള്ളലേറ്റിട്ടുണ്ട്.
മൂവാളംകുഴി ചാമുണ്ഡി തെയ്യത്തിന്റെ കുളിച്ച് തോറ്റം ചടങ്ങിനിടെയാണ് അപകടം സംഭവിച്ചത്. ഗുരുതരമായി പൊള്ളലേറ്റവരെ മംഗളൂരു, കണ്ണൂര്, കോഴിക്കോട് സ്വകാര്യ ആശുപത്രികളിലേക്ക് മാറ്റി. ചിലരെ കണ്ണൂര് ഗവ. മെഡിക്കല് കോളജ് ആശുപത്രിയിലേക്കും മാറ്റിയിട്ടുണ്ട്. മൂവാളംകുഴി ചാമുണ്ഡി തെയ്യത്തിന്റെ വെള്ളാട്ടം പുറപ്പാട് സമയത്ത് പടക്കം പൊട്ടിച്ചപ്പോള് തീപ്പൊരു പടക്കം സൂക്ഷിച്ച കെട്ടിടത്തിലേക്ക് വീണതോടെ വെടിപ്പുര ഒന്നാകെ പൊട്ടിത്തെറിക്കുകയായിരുന്നു.
