കോഴിക്കോട്: മലയാളത്തിന്റെ പ്രിയ കഥാകൃത്ത് എം ടി വാസുദേവന് നായരുടെ വിയോഗത്തില് അനുശോചനം അറിയിച്ച് പ്രധാനമന്ത്രി നരേന്ദ്ര മോദി. മലയാള സിനിമയിലെയും സാഹിത്യത്തിലെയും ഏറ്റവും ആദരണീയനായ വ്യക്തിത്വമായിരുന്ന എം ടി വാസുദേവന് നായരെന്ന് പ്രധാനമന്ത്രി എക്സില് കുറിച്ചു.
മാനുഷിക വികാരങ്ങളുള്ള കൃതികള് തലമുറകളെ രൂപപ്പെടുത്തുകയും ഇനിയും പലരെയും പ്രചോദിപ്പിക്കുകയും ചെയ്യുമെന്നും നിശ്ശബ്ദര്ക്കും പാര്ശ്വവല്ക്കരിക്കപ്പെട്ടവര്ക്കും അദ്ദേഹം ശബ്ദം നല്കിയെന്നും പ്രധാനമന്ത്രി കുറിപ്പിലെഴുതി.
വാര്ധക്യസഹജമായ അസുഖങ്ങളെ തുടര്ന്ന് കോഴിക്കോട് സ്വകാര്യ ആശുപത്രിയില് ചികിത്സയിലായിരുന്ന എം ടി വാസുദേവന് നായര് (91) ബുധനാഴ്ച രാത്രി പത്ത് മണിയോടെയായിരുന്നു വിടപറഞ്ഞത്. എംടിയുടെ അഭിലാഷപ്രകാരം പൊതുദര്ശനം ഒഴിവാക്കിയിരുന്നു. വൈകിട്ട് അഞ്ച് മണിയോടെ മാവൂര് റോഡിലെ സ്മൃതിപഥമെന്ന പുതുക്കിപ്പണിത ശ്മശാനത്തില് ആദ്യത്തേതായി എംടിയുടെ ശരീരം അഗ്നിനാളങ്ങള് ഏറ്റുവാങ്ങും. ഔദ്യോഗിക ബഹുമതികളോടെയാണ് സംസ്കാരം
