മലപ്പുറം: മലപ്പുറം പന്തല്ലൂരില് ഭര്തൃവീട്ടുകാരുടെ പീഡനം കാരണം യുവതി ആത്മഹത്യ ചെയ്ത സംഭവത്തില് ഭര്തൃപിതാവ് അറസ്റ്റില്. പന്തല്ലൂര് കിഴക്കുപറമ്പ് സ്വദേശി അബൂബക്കര് ആണ് അറസ്റ്റിലായത്. വെള്ളില സ്വദേശി നിസാറിന്റെ ഭാര്യ തഹ്ദില (25)ആണ് മരിച്ചത്. ഭര്തൃവീട്ടുകാരുടെ പീഡനം സഹിക്കവയ്യാതെയാണ് യുവതി ആത്മഹത്യ ചെയ്തതെന്ന് ബന്ധുക്കള് പോലീസിനോട് പറഞ്ഞിരുന്നു.
ഭര്തൃപിതാവ് ശാരീരികമായും മാനസികമായും തഹ്ദിലയെ ഉപദ്രവിച്ചിരുന്നു. ആത്മഹത്യ പ്രേരണ കുറ്റം ചുമത്തിയാണ് അറസ്റ്റ്. യുവതിക്ക് രണ്ടു വയസുള്ള കുട്ടി ഉള്പ്പെടെ നാലു മക്കളാണുള്ളത്. ഭര്ത്താവ് നിസാര് വിദേശത്താണ്. സംഭവത്തില് പോലീസ് കൂടുതല് അന്വേഷണം നടത്തി വരികയാണ്.
