തിരുവനന്തപുരം: സംസ്ഥാനത്ത് കഴിഞ്ഞ ഒരുമാസമായിട്ടുള്ള വന്യജീവി ആക്രമണം മൂലമുള്ള സംഭവങ്ങള് കണക്കിലെടുത്ത് മനുഷ്യ-വന്യ ജീവി സംഘര്ഷം സംസ്ഥാന പ്രത്യേക ദുരന്തമായി (സ്റ്റേറ്റ് സ്പെസിഫിക്ക് ഡിസാസ്റ്റര്) പ്രഖ്യാപിക്കാന് മന്ത്രിസഭായോഗം തീരുമാനിച്ചു. വനംമന്ത്രി എ കെ ശശീന്ദ്രനാണ് തീരുമാനങ്ങള് സംബന്ധിച്ച് വിശദീകരിച്ചത്.
സംസ്ഥാന ദുരന്തനിവാരണ അതോറിറ്റിയുടെ പ്രവര്ത്തനം കൂടി ഇതില് ഉള്പ്പെടുത്തി ഏകോപിപ്പിക്കും. മുഖ്യമന്ത്രി – മന്ത്രി തലത്തിലും ഉദ്യോഗസ്ഥ തലത്തിലുമുള്ള നാല് സമിതികള് ജില്ലാ, പ്രദേശിക തലത്തില് ഉള്പ്പെടെ രൂപീകരിക്കും. സംസ്ഥാനതല ഉദ്യോഗസ്ഥ സമിതി ഉള്പ്പെടെയുള്ള സമിതികളുടെ ചുമതലകളും പ്രവര്ത്തന രീതിയും ചീഫ് സെക്രട്ടറി, വനം വകുപ്പ് സെക്രട്ടറിയുമായി ചര്ച്ച ചെയ്ത് തയ്യാറാക്കും.
