ബിജെപിക്കും സുരേഷ് ഗോപിക്കുമെതിരെ രൂക്ഷ വിമര്ശനവുമായി തൃശൂര് അതിരൂപത. തൃശൂരില് പാര്ട്ടിക്ക് പറ്റിയ ആണുങ്ങള് ഇല്ലാത്തത് കൊണ്ടാണോ ആണാകാന് സുരേഷ് ഗോപി തൃശൂരിലേക്ക് വരുന്നതെന്നും അതിരൂപതാ മുഖപത്രം ‘കത്തോലിക്കസഭ’യിലെ പ്രസ്താവന.
തെരഞ്ഞെടുപ്പില് മണിപ്പൂര് മറക്കില്ല. മണിപ്പൂര് കലാപസമയത്തെ പ്രധാനമന്ത്രിയുടെ മൗനം ജനാധിപത്യബോധമുള്ളവര്ക്ക് മനസിലാകുമെന്നും തൃശൂര് അതിരൂപത പറയുന്നു. മറ്റ് സംസ്ഥാനങ്ങളില് ദുരന്തങ്ങള് സംഭവിക്കുമ്പോള് ഓടിയെത്തുന്ന പ്രധാനമന്ത്രി മണിപ്പൂരിലേക്ക് തിരിഞ്ഞു നോക്കിയില്ല.
മണിപ്പൂരിലും യുപിയിലും നോക്കിയിരിക്കേണ്ടെ അവിടെ കാര്യങ്ങള് നോക്കാന് ആണുങ്ങള് ഉണ്ടെന്ന സുരേഷ്ഗോപിയുടെ പ്രസ്താവനയ്ക്ക് മണിപ്പൂര് കത്തിയെരിഞ്ഞപ്പോള് ഈ ‘ആണുങ്ങള്’ എന്തെടുക്കുകയായിരുന്നുവെന്ന് പ്രധാനമന്ത്രിയോട് ചോദിക്കാന് ആണത്തമുണ്ടോയെന്നും മുഖപത്രത്തില് ചോദിക്കുന്നു. തെരഞ്ഞെടുപ്പിന് മുമ്പ് മതതീവ്രവാദികള് എത്ര ചമഞ്ഞൊരുങ്ങിയാലും അവരെ വേര്തിരിച്ചറിയാനുള്ള വിവേകം കേരളത്തിലെ വോട്ടര്മാര്ക്ക് ഉണ്ടെന്നും അതിരൂപത പറയുന്നു.
