കോഴിക്കോട്: നാദാപുരത്ത് ഒന്പതാം ക്ലാസ് വിദ്യാര്ഥിനിയുടെ മരണകാരണം ഭക്ഷ്യവിഷബാധയെന്ന് സംശയം. ഛര്ദിയും വയറിളക്കവും മൂലം കോഴിക്കോട്ടെ സ്വകാര്യ ആശുപത്രിയില് ചികിത്സയിലായിരിക്കെയാണ് പെണ്കുട്ടി മരിച്ചത്. വളയം നീലാണ്ടുമ്മല് പടിഞ്ഞാറയില് സജീവന്റെയും ഷൈജയുടെയും മകള് ദേവതീര്ഥയാണ് മരിച്ചത്.
ദേവതീര്ഥ അമ്മയോടൊപ്പം കണ്ണൂരിലെ പൊയിലൂരിലെ വീട്ടിലായിരുന്നു. ഛര്ദിയും വയറിളക്കവും കാരണം കഴിഞ്ഞ രണ്ട് ദിവസമായി തലശേരി ഇന്ദിരാഗാന്ധി സഹകരണ ആശുപത്രിയില് ചികിത്സയിലായിരുന്നു. പിന്നീട് രോഗം അധികമായതിനെ തുടര്ന്ന് വിദഗ്ധ ചികിത്സയ്ക്കായി കോഴിക്കോട്ടെ സ്വകാര്യ ആശുപത്രിയില് പ്രവേശിപ്പിക്കുകയായിരുന്നു. ചികിത്സയിലിരിക്കേയാണ് ദേവതീര്ത്ഥ മരിച്ചത്. പോസ്റ്റ്മോര്ട്ടത്തിനു ശേഷമേ മരണകാരണം സ്ഥിരീകരിക്കാന് സാധിക്കൂ എന്ന് ആശുപത്രി അധികൃതര് അറിയിച്ചു.
