കൊല്ലം: ഗ്യാസ് കുറ്റി ചോര്ന്നതറിയാതെ സ്വിച്ചിട്ടപ്പോള് തീ ആളിപ്പടര്ന്ന് പൊള്ളലേറ്റ വീട്ടമ്മ മരിച്ചു. മയ്യനാട് കാരിക്കുഴി സുചിത്രമുക്ക് പള്ളിപ്പുരയഴികം വീട്ടില് എന് രത്നമ്മ(74)യാണ് മരിച്ചത്.
തിങ്കളാഴ്ച പുലര്ച്ചെ നാലരയോടെയായിരുന്നു അപകടം. വീടിന്റെ ഹാളില് കിടന്ന് ഉറങ്ങുകയായിരുന്ന ഇവര് ചായ തയ്യാറാക്കുന്നതിന് അടുക്കളവാതില് തുറന്ന് ലൈറ്റിന്റെ സ്വിച്ചിട്ടപ്പോള് മുറിക്കുള്ളില് തങ്ങിനിന്ന വാതകത്തിന് തീപിടിക്കുകയായിരുന്നു. തീ ദേഹത്ത് ആളിപ്പടര്ന്ന് ഇവര്ക്ക് ഗുരുതരമായി പൊള്ളലേറ്റു.
