ആലുവയിലെ അഞ്ചുവയസുകാരിയുടെ കൊലപാതകത്തില് വിധി ഇന്ന്. പ്രതി ബിഹാര് സ്വദേശി അസഫാക് ആലത്തിനെതിരെ കൊലപാതകവും, ബലാത്സംഗവുമടക്കം 16 കുറ്റങ്ങളാണ് ചുമത്തിയത്. 26 ദിവസം കൊണ്ട് വിചാരണ പൂര്ത്തിയാക്കിയാണ് എറണാകുളം പോക്സോ കോടതി അതിവേഗം വിധി ഇന്ന്പ്രസ്താവിക്കുന്നത്. ഒക്ടോബര് 4ന് തുടങ്ങിയ വിചാരണ 26 ദിവസത്തിനുള്ളില് പൂര്ത്തിയാക്കി വേഗത്തില് വിധി പറയുന്നത്.
ജൂലൈ 28 നായിരുന്നു ആലുവയില് അതിഥി തൊഴിലാളികളുടെ അഞ്ചു വയസുള്ള മകളെ ക്രൂര ബലാത്സംഗം ചെയ്ത് കൊലപ്പെടുത്തിയത്. കേസില് പ്രത്യേകസംഘം രൂപീകരിച്ചായിരുന്നു അന്വേഷണം. 30 ദിവസത്തിനുള്ളില് കുറ്റപത്രം സമർപ്പിച്ചിരുന്നു.
ബിഹാര് സ്വദേശി അസ്ഫാക് ആലം മാത്രമാണ് കേസിലെ പ്രതി. പോക്സോ നിയമത്തിലെ വിവിധ വകുപ്പുകള്ക്ക് പുറമെ കൊലപാതകം, ബലാത്സംഗം, തട്ടിക്കൊണ്ടുപോകല് തുടങ്ങി 16 കുറ്റങ്ങളാണ് അസ്ഫാക്കിനെതിരെ ചുമത്തിയത്.
വീടിന് മുന്നില് കളിച്ചുകൊണ്ടിരുന്ന കുട്ടിയെ ജ്യൂസ് വാങ്ങിക്കൊടുത്ത് പ്രലോഭിപ്പിച്ച് ആലുവ മാര്ക്കറ്റിലെ മാലിന്യകൂമ്പാരത്തിന് പിന്നിലെത്തിച്ച് മദ്യം കുടിപ്പിച്ചായിരുന്നു ക്രൂരമായി ബലാത്സംഗം ചെയ്തത്. തെളിവ് നശിപ്പിക്കാന് കുട്ടി ധരിച്ചിരുന്ന ബനിയന് തന്നെ എടുത്ത് കഴുത്ത് ഞെരിച്ച് കൊലപ്പെടുത്തുകയുമായിരുന്നു പ്രതി. മുഖം കല്ലുകൊണ്ട് ഇടിച്ച് വികൃതമാക്കുകയും. കുഞ്ഞിനെ ചാക്കില് കെട്ടി കരിയിലകള്ക്കുള്ളില് മൂടുകയുമായിരുന്നു.
