ബെംഗളൂരു: ഇന്ത്യയില് ഹ്യൂമന് മെറ്റാപ്ന്യൂമോവൈറസ് (എച്ച്എംപിവി) സ്ഥിരീകരിച്ചു. ബംഗ്ലൂരുവിലെ എട്ട് മാസം പ്രായമുള്ള കുട്ടിക്കാണ് രോഗം സ്ഥിരീകരിച്ചത്. ലബോറട്ടറി റിപ്പോര്ട്ട് പ്രകാരം ജനുവരി രണ്ടിനാണ് കുഞ്ഞിന്റെ സാമ്പിള് ശേഖരിച്ചത്. കുഞ്ഞിനും കുടുംബത്തിനും സമീപകാല യാത്രകളുടെ ചരിത്രമൊന്നുമില്ലെന്നും ലക്ഷണങ്ങളൊന്നും കാണിച്ചില്ലെന്നും ആരോഗ്യവകുപ്പ് വൃത്തങ്ങള് അറിയിച്ചു.
ചൈനീസ് വേരിയന്റ് ആണോ എന്നതില് സ്ഥിരീകരണം ഇല്ല. പരിശോധന തുടരുമെന്ന് കര്ണ്ണാടക ആരോഗ്യവകുപ്പ് അറിയിച്ചു. ശക്തമായ പനിയെ തുടര്ന്നാണ് കുഞ്ഞിനെ ആശുപത്രിയില് പ്രവേശിപ്പിച്ചത്. തുടര്ന്ന് നടത്തിയ പരിശോധനയിലാണ് രോഗം സ്ഥിരീകരിച്ചത്. രോഗലക്ഷണങ്ങള് പ്രകടിപ്പിക്കുന്ന കുട്ടികളില് എച്ച്എംപിവി സ്കീനിംഗ് നടത്തണമെന്ന് കര്ണാടക ആരോഗ്യമന്ത്രാലയം അറിയിച്ചിരുന്നു.
ശ്വാസകോശങ്ങളുടെ പ്രവര്ത്തനത്തെ ബാധിക്കുന്ന അണുബാധയാണ് എച്ച്എംപിവി അഥവാ ഹ്യൂമണ് മെറ്റാന്യൂമോവൈറസ്. ന്യുമോണിയ വിഭാഗത്തില്പ്പെട്ട രോഗമാണിത്. കുട്ടികള്, പ്രായമായവര് തുടങ്ങി എല്ലാ പ്രായത്തിലുള്ളവരെയും ഈ രോഗം ബാധിക്കാമെന്നാണ് ഡിസിസി വ്യക്തമാക്കുന്നത്.
