വയനാട് പേര്യ ചപ്പാരം കോളനിയില് മാവോയിസ്റ്റുകളും പൊലീസും തമ്മില് ഏറ്റുമുട്ടലിൽ രണ്ട് മാവോയിസ്റ്റുകള് പിടിയിൽ. ചന്ദ്രു, ഉണ്ണിമായ എന്നിവരാണ് പിടിയിലായത്. രണ്ട് പേർ ഓടി രക്ഷപ്പെട്ടു. സുന്ദരി, ലത എന്നിവരാണ് രക്ഷപ്പെട്ടത്.
ഇന്നലെ രാത്രി 7 മണിയോടെയാണ് മാവോയിസ്റ്റുകള് ചപ്പാരം കോളനിയിലെ അനീഷിന്റെ വീട്ടിലെത്തിയത്. വീട്ടില് മൊബൈല് ഫോണുകളും, ലാപ് ടോപ്പും ചാര്ജ് ചെയ്യണമെന്നാവശ്യപ്പെട്ടു. ഇതിന് ശേഷം ഇവർ വീട്ടില് ഭക്ഷണം കഴിക്കുന്നതിനിടെയാണ് തണ്ടര്ബോള്ട്ട് വീട് വളഞ്ഞത്. ഇതിനിടെ ഇവർ പരസ്പരം വെടിയുതിര്ക്കുകയായിരുന്നു. പിടികൂടിയവരെ രഹസ്യ കേന്ദ്രത്തില് എത്തിച്ച് ചോദ്യം ചെയ്യുകയാണ്.
