ഇസ്ലാമാബാദ്: സൈഫര് കേസില് മുന് പ്രധാനമന്ത്രി ഇമ്രാന് ഖാനും മുന് വിദേശകാര്യ മന്ത്രി ഷാ മഹ്മൂദ് ഖുറേഷിയും 10 വര്ഷം വീതം തടവിന് ശിക്ഷിക്കപ്പെട്ടു. രഹസ്യ സ്വഭാവമുള്ളതും രാജ്യരക്ഷയെ ബാധിക്കുന്നതുമായ രേഖകള് പരസ്യമാക്കി എന്ന കേസിലാണ് ശിക്ഷ.
പാകിസ്ഥാനില് പൊതുതിരഞ്ഞെടുപ്പ് നടക്കാനിരിക്കെയാണ് ഇമ്രാന് തടവ് ശിക്ഷ കിട്ടുന്നത്. യുഎസ് എംബസി അയച്ച നയതന്ത്ര രേഖ 2022 മാര്ച്ചില് നടന്ന പാര്ട്ടി റാലിയില് ഇമ്രാന് ഉയര്ത്തി കാട്ടിയിരുന്നു. ഈ രേഖ രഹസ്യ സ്വഭാവം ഉള്ളതായിരുന്നു എന്നതാണ് കേസിന്റെ അടിസ്ഥാനം. കഴിഞ്ഞ ഓഗസ്റ്റില് അറസ്റ്റിലായ ഇമ്രാന് ഇപ്പോള് ജയിലിലാണ്. ഇവര്ക്കു വേണ്ടി ഹാജരാകേണ്ട മുന്അഭിഭാഷകര് കോടതിയില് കൃത്യമായി എത്തിച്ചേരാത്തതിനാല് പുതിയ അഭിഭാഷകരെ കേസില് നിയമിച്ചിരുന്നു.
