പ്രശസ്തനായ യുഎസ് ഹാസ്യനടന് റിച്ചാര്ഡ് ലൂയിസ് 76-ാം വയസ്സില് അന്തരിച്ചു. തനിക്ക് പാര്ക്കിന്സണ്സ് രോഗം സ്ഥിരീകരിച്ചതായി 2023 ല് റിച്ചാര്ഡ് വെളിപ്പെടുത്തിയിരുന്നു. ഹൃദയാഘാതത്തെ തുടര്ന്ന് ചൊവ്വാഴ്ച രാത്രി ലോസ് ഏഞ്ചല്സിലെ സ്വന്തം വീട്ടില് വെച്ചാണ് മരണം സംഭവിച്ചത്.
തനിക്ക് പാര്ക്കിന്സണ്സ് രോഗമുണ്ടെന്നും സ്റ്റാന്ഡ് അപ്പ് കോമഡിയില് നിന്ന് വിരമിക്കുന്നുവെന്നും ലൂയിസ് കഴിഞ്ഞ ഏപ്രിലില് പ്രഖ്യാപിച്ചിരുന്നു. സ്വയം അപകീര്ത്തിപ്പെടുത്തുന്ന നര്മ്മത്തിന് പേരുകേട്ട ലൂയിസ് 1980-കളിലാണ് പ്രശസ്തിയിലേക്ക് ഉയര്ന്നത്. വര്ഷങ്ങളോളം, നടനായും എഴുത്തുകാരനായും ലാറി ഡേവിഡിനൊപ്പം ‘കര്ബ് യുവര് എന്ത്യൂസിയാസം’ എന്ന ഷോയില് അഭിനയിച്ചു.
