ബന്ദികളെ വിട്ടുകിട്ടുന്നതുവരെ വെടിനിര്ത്തല് പ്രഖ്യാപിക്കില്ലെന്ന് ഇസ്രയേല് പ്രധാനമന്ത്രി ബെഞ്ചമിന് നെതന്യാഹു. അടിയന്തര വെടിനിര്ത്തല് പ്രഖ്യാപിക്കുന്നത് ഹമാസിനെ സഹായിക്കുമെന്ന് അമേരിക്കയും. അടിയന്തര വെടിനിര്ത്തല് ആവശ്യപ്പെട്ട് അറബ് രാജ്യങ്ങള് രംഗത്തെത്തിയതിനു പിന്നാലെയാണ് നെതന്യാഹു നിലപാട് കടുപ്പിച്ചത്.
അതേസമയം യുദ്ധത്തില് മരണസംഖ്യ 9,400 ആയി.
തെക്കന് ഗസ്സയില് ശക്തമായ വ്യോമാക്രമണം തുടരുകയാണ്. ഇസ്രയേലിന്റെ ആക്രമണത്തില് 60 ബന്ദികള് കൊല്ലപ്പെട്ടതായി ഹമാസ് അറിയിച്ചു. ഗസ്സയിലെ മഗസി അഭയാര്ഥി ക്യാമ്പിന് നേരെ ഉണ്ടായ ആക്രമണത്തില് 51 പേര് കൊല്ലപ്പെട്ടു. ഇസ്രയേല് ആക്രമണത്തില് ജബാലിയ അഭയാര്ഥി ക്യാമ്പിന് സമീപമുള്ള പ്രധാന ജലസ്രോതസും തകര്ന്നിരുന്നു.
വെടിനിര്ത്തലിനായി യുഎസ് ഇസ്രയേലിനു മേല് സമ്മര്ദം ചെലുത്തണമെന്ന അറബ് രാജ്യങ്ങളുടെ ആവശ്യപ്രകാരം യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കൻ വെടിനിര്ത്തലിനെ യുഎസ് അനുകൂലിക്കുന്നില്ലെങ്കിലും സംഘര്ഷത്തിന് അയവുവരുത്തണമെന്ന് ഇസ്രയേല് പ്രധാനമന്ത്രി ബെന്യാമിന് നെതന്യാഹുവിനോട് ആവശ്യപ്പെട്ടിരുന്നു.
