തായ്പേയ്: ഗേമി ചുഴലിക്കാറ്റ് ബുധനാഴ്ച മുതല് തായ്വാനില് എട്ട് പേരുടെ ജീവനെടുത്തു. ഒരാളെ കാണാതായി. 866 പേര്ക്ക് പരിക്കേറ്റു. പ്രളയത്തില് എണ്ണക്കപ്പലും ചരക്കുകപ്പലും മുങ്ങി. ഗേമി ചുഴലിക്കാറ്റ് കര തൊടുന്നതിന് മുന്പു തന്നെ തയ്വാനിലും ഫിലിപ്പൈന്സിലും കനത്ത നാശനഷ്ടം റിപ്പോര്ട്ട് ചെയ്തിരുന്നു. രണ്ടു ലക്ഷത്തിലേറെ വീടുകളില് വൈദ്യുതി മുടങ്ങിയിട്ടുണ്ട്. ചൈന തയ്വാനിലേക്കുള്ള നൂറുകണക്കിന് വിമാനങ്ങള് റദ്ദാക്കി. തീവണ്ടി സര്വീസുകള് രാജ്യത്ത് നിര്ത്തി വെച്ചിട്ടുണ്ട്.
ചുഴലിക്കാറ്റ് ഇതിനകം തായ്വാനില് നിന്ന് പുറപ്പെട്ടു. ഇത് ഇപ്പോള് ചൈനയില് എത്തിയിട്ടുണ്ട്. എന്നിരുന്നാലും, മധ്യ, തെക്കന് തായ്വാനില് കാര്യമായ മഴ തുടരുമെന്ന് ഫോക്കസ് തായ്വാന് റിപ്പോര്ട്ട് ചെയ്തു. അപകടത്തില്പ്പെട്ടവരില് 64-കാരിയായ ഒരു സ്ത്രീ കയോസിയുങ്ങില് മരം വീണു മരിച്ചു.
