എറണാകുളം മഹാരാജാസ് കോളേജ് അനിശ്ചിത കാലത്തേക്ക് അടച്ചു. കോളേജ് പ്രിൻസിപ്പാളിന്റെ നേതൃത്വത്തിൽ ഇന്ന് ചേർന്ന യോഗത്തിലാണ് കോളേജ് അടച്ചിടാൻ തീരുമാനിച്ചത്. എസ്എഫ്ഐ നേതാവിനെ കെഎസ്യു, ഫ്രറ്റേണിറ്റി പ്രവര്ത്തകര് കുത്തിക്കൊലപ്പെടുത്താന് ശ്രമിച്ചതിന്റെ പശ്ചാത്തലത്തിലാണ് തീരുമാനം.
മഹാരാജാസ് കോളേജ് എസ്എഫ്ഐ യൂണിറ്റ് സെക്രട്ടറി നാസര് അബ്ദുള് റഹ്മാനെ കുത്തിക്കൊല്ലാന് ശ്രമിച്ച കേസില് കെഎസ്യു, ഫ്രറ്റേണിറ്റി പ്രവര്ത്തകരായ 15 പേര്ക്കെതിരെ എറണാകുളം സെന്ട്രല് പൊലീസ് കേസെടുത്തു. വിദ്യാര്ഥിനി അടക്കമുള്ളവര്ക്കെതിരെ വധശ്രമം അടക്കം ഒന്പത് വകുപ്പുകളാണ് ചുമത്തിയിട്ടുള്ളത്. സംഭവത്തില് പ്രതികളായവർ ആശുപത്രിയില് ചികിത്സതേടിയതിനാൽ അശുപത്രി വിട്ടാലുടന് ഇവരുടെ അറസ്റ്റ് രേഖപ്പെടുത്തും.
ഇന്നലെ രാത്രി 11.30ഓടെയായിരുന്നു സംഭവം. രാത്രി 11.30ന് നാടക പരിശീലനത്തിന് ശേഷം ഇറങ്ങുമ്പോഴാണ് സംഘര്ഷമുണ്ടായതും നാസറിന് കുത്തേല്ക്കുകയും ചെയ്തത്. വടി വാളും ബിയറ് കുപ്പിയും മാരകായുധങ്ങളുമായെത്തിയായിരുന്നു ആക്രമണം. സാരമായി പരുക്കേറ്റ നാസറിനെ കൊച്ചിയിലെ സ്വകാര്യ ആശുപത്രിയില് പ്രവേശിപ്പിച്ചിരിക്കുകയാണ്.
