ക്രിസ്മസ്- പുതുവര്ഷ ബമ്പര് നേടിയ ഇരുപതുകോടിയുടെ മഹാഭാഗ്യവാനെ കണ്ടെത്തി. പോണ്ടിച്ചേരി സ്വദേശിയായ യുവാവിനാണ് ബമ്പർ അടിച്ചത്. ടിക്കറ്റുമായി ലോട്ടറി ഡയറക്ടറേറ്റില് ഇദ്ദേഹം എത്തി. ശബരിമല തീര്ഥാടനത്തിനെത്തിയപ്പോഴാണ് 33കാരനായ ബിസിനസുകാരന് ലോട്ടറി എടുത്തത്.
പാലക്കാടുള്ള വിന്സ്റ്റാര് ലോട്ടറി ഏജന്സി ഉടമ പി ഷാജഹാന് തിരുവനന്തപുരം സ്വദേശിക്ക് വിറ്റ ടിക്കറ്റിനാണ് ബമ്പര് അടിച്ചത്. തിരുവനന്തപുരത്തുള്ള ഏജന്റ് ദൊരൈരാജാണ് പാലക്കാട്ടെ ഏജന്സിയില് നിന്ന് ടിക്കറ്റ് വാങ്ങിയത്. പത്മനാഭസ്വാമി ക്ഷേത്രത്തിന്റെ കിഴക്കേനടയിലുള്ള ലക്ഷ്മി സെന്റര് എന്ന ലോട്ടറി കടയിലാണ് ഈ ടിക്കറ്റുകള് വില്പന നടത്തിയത്.
45 ലക്ഷത്തോളം ടിക്കറ്റുകളാണ് സംസ്ഥാനത്തുടനീളം വില്പ്പന നടത്തിയത്. 400 രൂപയായിരുന്നു ടിക്കറ്റ് വില.
