കോഴിക്കോട്: വാര്ത്താ സമ്മേളനത്തിനിടെ മാധ്യമപ്രവര്ത്തകയോട് മോശമായി പെരുമാറിയെന്ന പരാതിയില് നടനും ബിജെപി നേതാവുമായ സുരേഷ് ഗോപിക്കെതിരെ പൊലീസ് കേസെടുത്തു. കോഴിക്കോട് നടക്കാവ് പൊലീസാണ് കേസെടുത്തത്. പരാതിയില് സുരേഷ് ഗോപി നിരുപാധികം മാപ്പ് പറയണമെന്ന് കേരള വര്ക്കിംഗ് ജേണലിസ്റ്റ് യൂണിയന് ആവശ്യപ്പെട്ടിരുന്നു.
ഐപിസി 354 എ വകുപ്പാണ് സുരേഷ് ഗോപിക്കെതിരെ ചുമത്തിയിരിക്കുന്നത്. സ്റ്റേഷന് ജാമ്യം ലഭിക്കാത്ത വകുപ്പാണ് ചുമത്തിയിരിക്കുന്നത്. . രണ്ട് വര്ഷം വരെ തടവോ, പിഴയോ അല്ലെങ്കില് രണ്ടും കൂടിയോ ശിക്ഷ ലഭിക്കാവുന്ന വകുപ്പാണ് ചുമത്തിയിരിക്കുന്നത്. സംഭവം വിവാദമായതോടെ സുരേഷ് ഗോപി മാധ്യമപ്രവര്ത്തകയോട് ക്ഷമ ചോദിച്ച് രംഗത്ത് വന്നിരുന്നു. എന്നാല് സുരേഷ് ഗോപിയുടേത് വിശദീകരണം മാത്രമാണെന്നും മാപ്പ് പറച്ചില് അല്ലെന്നും മാധ്യമപ്രവര്ത്തക പറഞ്ഞു. തുടര്ന്നാണ് പോലീസ് കേസെടുത്തത്.
