ആളെക്കൊല്ലി മൃഗങ്ങളെ കൊല്ലാന് സംസ്ഥാന വൈല്ഡ് ലൈഫ് വാര്ഡന് അധികാരമുണ്ടെന്ന് കേന്ദ്രമന്ത്രി ഭൂപേന്ദര് യാദവ്. വയനാട് പുല്പ്പള്ളിയില് കാട്ടാനയുടെ ആക്രമണത്തില് കൊല്ലപ്പെട്ട അജീഷിന്റെ മകളുടെ ചോദ്യത്തിനായിരുന്നു കേന്ദ്രമന്ത്രി മറുപടി നല്കിയത്.
ഇന്ന് മാനന്തവാടി, തലശേരി ബിഷപ്പുമാരുമായി കേന്ദ്രമന്ത്രി കൂടിക്കാഴ്ച നടത്തും. കൂടാതെ വയനാട്ടിലെ ജനങ്ങളുടെ വന്യമൃഗ പേടി പ്രധാനമന്ത്രിയുടെ ശ്രദ്ധയില്പ്പെടുത്തുമെന്ന് കേന്ദ്രമന്ത്രി അറിയിച്ചു. വിഷയം ചര്ച്ച ചെയ്യാന് ഉന്നത ഉദ്യോഗസ്ഥരുടെ യോഗവും കേന്ദ്രമന്ത്രി വിളിച്ചിട്ടുണ്ട്. രണ്ട് ദിവസത്തെ സന്ദര്ശനത്തിനായാണ് കേന്ദ്രമന്ത്രി വയനാട്ടിലെത്തിയത്.
വന്യമൃഗങ്ങളുടെ ആക്രമണത്തില് കൊല്ലപ്പെട്ടവരുടെ കുടുംബാംഗങ്ങളെ സന്ദര്ശിച്ചു. ആദ്യം വാകേരിയില് കടുവയുടെ ആക്രമണത്തില് കൊല്ലപ്പെട്ട പ്രജീഷിന്റെ വീട്ടിലെത്തി. തുടര്ന്ന് ആനയുടെ ആക്രമണത്തില് കൊല്ലപ്പെട്ട വാച്ചര് പാക്കത്ത് പോളിന്റെ വീട്ടിലുമെത്തി. ഇതിന് ശേഷം പടമലയിലെ അജീഷിന്റെ വീട്ടിലുമെത്തി.
