തിരുവനന്തപുരം: റംസാന്- വിഷു ചന്തകള് ഇന്ന് ഉച്ച മുതല് ആരംഭിക്കും. വിഷു ചന്തക്ക് ഹെക്കോടതി അനുമതി നല്കിയതോടെ സംസ്ഥാനത്ത് ഇന്ന് ഉച്ചമുതല് 300 വിഷു ചന്തകള് പ്രവര്ത്തിക്കുമെന്ന് കണ്സ്യൂമര്ഫെഡ് ചെയര്മാന് എം മെഹബൂബ് അറിയിച്ചു. നേരത്തേ തീരുമാനിച്ച സഹകരണ സ്ഥാപനങ്ങളിലും താലൂക്ക് അടിസ്ഥാനത്തില് ഒന്നു വീതവുമുണ്ടാകും. 10 കിലോ അരി ഉള്പ്പെടെ 13 ഇനം സാധനങ്ങള് ലഭിക്കുമെന്നും എം മെഹബൂബ് വ്യക്തമാക്കി.
ചന്തകള്ക്കു തെരഞ്ഞെടുപ്പ് കമ്മീഷന് അനുമതി നിഷേധിച്ചതിനെതിരെ കണ്സ്യൂമര്ഫെഡ് നല്കിയ ഹര്ജിയിലാണ് റംസാന്- വിഷു ചന്തകള് നടത്താന് ജസ്റ്റിസ് ദേവന് രാമചന്ദ്രന് അനുമതി നല്കിയത്. ചന്തകള് ‘സര്ക്കാര് സ്പോണ്സേഡ്’ ആണെന്ന തരത്തില് വോട്ടര്മാരെ സ്വാധീനിക്കാനുള്ള പ്രചാരണം പാടില്ലെന്നു കോടതി നിര്ദേശിച്ചു. ഏതെങ്കിലും തരത്തില് ചട്ടലംഘനമുണ്ടായാല് തെരഞ്ഞെടുപ്പു കമ്മിഷന് ഇടപെടാം. തെരഞ്ഞെടുപ്പു കഴിയുംവരെ സര്ക്കാര് സബ്സിഡിക്കു വിലക്കുണ്ട്. തെരഞ്ഞെടുപ്പിനു ശേഷം കണ്സ്യൂമര്ഫെഡിനു സര്ക്കാരിനോടു തുക ആവശ്യപ്പെടാമെന്നും കോടതി പറഞ്ഞു.
