തിരുവനന്തപുരം: മുഖ്യമന്ത്രിയും മന്ത്രിമാരും സഞ്ചരിച്ച നവകേരള ബസ് ഇനി മുതല് പൊതുജനങ്ങള്ക്ക് ടിക്കറ്റ് എടുത്ത് യാത്ര ചെയ്യാം. നവകേരള ബസിന്റെ കോണ്ടാക്ട് ക്യാരേജ് പെര്മിറ്റ് മാറ്റി സ്റ്റേജ് ക്യാരേജാക്കി. 1.15 കോടി മുടക്കില് ഭാരത് ബെന്സില് നിന്നായിരുന്നു നവകേരള യാത്രക്കായി ബസ് വാങ്ങിയത്.
അതേ സമയം മുഖ്യമന്ത്രി ഇരുന്ന സീറ്റ് അഴിച്ചുമാറ്റിയിട്ടുണ്ട്. അരലക്ഷം രൂപ ചെലവാക്കിയായിരുന്നു ഈ സീറ്റ് നിര്മിച്ചത്. ഭാവിയില് വിഐപി യാത്രക്കായി ഈ സീറ്റ് സൂക്ഷിക്കാനാണ് തീരുമാനം. ബസില് യാത്രക്കാരുടെ ലഗേജ് വെക്കാന് ഇടമില്ലാത്തതിനാല് സീറ്റുകള് പുനഃക്രമീകരിച്ച് സ്ഥലമൊരുക്കിയിട്ടുണ്ട്. ബസിന്റെ നിറവും വശങ്ങളിലെ ഗ്രാഫിക്സും മാറ്റിയിട്ടില്ല.
കെഎസ്ആര്ടിസിയുടെ ബജറ്റ് ടൂറിസം വിഭാഗത്തിന് ബസ് കൈമാറാനായിരുന്നു ആദ്യം തീരുമാനിച്ചിരുന്നത്. എന്നാല് പിന്നീട് ബസില് മാറ്റങ്ങള് വരുത്തുന്നതിനായി ബെംഗളൂരുവിലെ പ്രകാശ് കോച്ച് ഫാക്ടറിക്ക് ബസ് കൈമാറിയിരുന്നു.
