യമനിലെ ജയിലില് ശിക്ഷ അനുഭവിച്ച് കഴിയുന്ന നിമിഷപ്രിയയുടെ അമ്മ പ്രേമകുമാരി മകളെ കാണാന് യെമനിലേക്ക് തിരിച്ചു. കൊല്ലപ്പെട്ട യമന് പൗരന്റെ കുടുംബത്തെ നേരില് കണ്ടതിന് ശേഷം നിമിഷപ്രിയയുടെ മോചനം സാധ്യമാക്കാനാകുമെന്ന പ്രതീക്ഷയില് കൂടിയാണ് അമ്മ പ്രേമകുമാരി യാത്ര തിരിച്ചത്.
പ്രേമകുമാരിക്ക് ഒപ്പം സേവ് നിമിഷപ്രിയ ഇന്റര്നാഷണല് ആക്ഷന് കൗണ്സില് അംഗം സാമുവേല് ജെറോമും ഉണ്ട്. കൊച്ചിയില് നിന്ന് പുലര്ച്ചെ 5.30 ടെയാണ് ഇവര് പുറപ്പെട്ടത്. മുംബൈയിലെത്തുന്ന ഇവര് ഇവിടെനിന്ന് വൈകിട്ട് 5ന് യെമനിയ എയര്വേസിന്റെ വിമാനത്തില് ഏദനിലേക്ക് പോകും. സാധാരണ സര്വീസ് നടത്തുന്ന വിമാനമല്ല ഇത്. യെമനി പൗരന്മാര് ചികിത്സാര്ഥവും മറ്റും എത്തുന്ന വിമാനം തിരികെ പോകുമ്പോഴാണ് യാത്രയ്ക്ക് സൗകര്യം ലഭിക്കുക.
