തിരുവനന്തപുരം: ഈ വര്ഷത്തെ എസ്എസ്എല്സി, ടിഎച്ച്എസ്എല്സി പരീക്ഷാ ഫലങ്ങള് മെയ് എട്ടിനു പുറത്തുവരും. വൈകിട്ടു മൂന്നു മണിക്കായിരിക്കും ഫലം പുറത്തുവിടുക. ഹയര്സെക്കന്ഡറി, വിഎച്ച്എസ് സി ഫലം ഒന്പതിനും പ്രഖ്യാപിക്കും.
കഴിഞ്ഞവര്ഷം മെയ് 19 നായിരുന്നു എസ്എസ്എല്സി ഫല പ്രഖ്യാപനം. പതിനൊന്നു ദിവസം മുമ്പാണ് ഇത്തവണ ഫലം പ്രഖ്യാപിക്കുന്നത്. 70 ക്യാമ്പുകളിലായി ഏപ്രില് മൂന്നിനാണ് മൂല്യനിര്ണയം ആരംഭിച്ചത്. ക്യാമ്പ് ഓഫീസര്മാരടക്കം 10,500 അധ്യാപകര് പങ്കെടുത്ത് റെക്കോര്ഡ് വേഗത്തിലാണ് മൂല്യനിര്ണയം പൂര്ത്തിയാക്കിയത്.
