കൊച്ചി: പന്തീരാങ്കാവ് ഗാര്ഹിക പീഡനക്കേസില് മകള് മൊഴിമാറ്റിയത് സമ്മര്ദ്ദം മൂലമാമാണെന്ന് പിതാവ്. മകള് മിസ്സിംഗ് ആണെന്ന് അറിഞ്ഞത് ഇന്നലെയാണ്. മകളുമായി ശനിയാഴ്ച വരെ സംസാരിച്ചിരുന്നു. ഞായറാഴ്ചയും തിങ്കളും ഫോണ് സ്വിച്ച് ഓഫ് ആയിരുന്നു. അപ്പോള് ഓഫീസിലേക്ക് വിളിച്ചു. എന്നാല് അവിടെ ചെന്നിട്ടില്ലെന്ന് അറിഞ്ഞുവെന്നും പിതാവ് മാധ്യമങ്ങളോട് പറഞ്ഞു.
മകളെ അവര് സമ്മര്ദം ചെലുത്തി പറയിപ്പിച്ചു എന്നാണ് മനസ്സിലാക്കുന്നത്. മകള് അവരുടെ കസ്റ്റഡിയിലാണ്. മാനസികമായി ബുദ്ധിമുട്ട് ഉണ്ട് മകള്ക്ക്. ഇനി ഒരു കല്യാണം ഉണ്ടാകുമോ എന്നൊക്കെ പേടിയുണ്ടായിരുന്നു. ഒരു സമ്മര്ദ്ദവും കുടുംബത്തിന്റെ ഭാഗത്തു നിന്ന് ഉണ്ടായിട്ടില്ല. വീട് കാണലിന് പോയപ്പോള് കണ്ട മുറിപ്പാടുകളൊക്കെ കണ്ടിട്ടാണ് പരാതി കൊടുത്തത്. അത് മകള് തിരുത്തി പറഞ്ഞത് സമ്മര്ദ്ദം കാരണമല്ലാതെ പിന്നെ എന്താണ്. എന്താണ് സംഭവമെന്ന് പൊലീസ് അന്വേഷിക്കുന്നുണ്ട്. മകള് നഷ്ടപ്പെടാന് പാടില്ല. മകളുടെ വീഡിയോ കണ്ടപ്പോള് മനസ്സ് പിടഞ്ഞുവെന്നും അച്ഛന് പ്രതികരിച്ചു.
പന്തീരാങ്കാവ് പീഡനക്കേസില് കഴിഞ്ഞ ദിവസമാണ് പരാതിക്കാരി മൊഴിമാറ്റി പറഞ്ഞത്. അക്രമിച്ചതടക്കമുള്ള പരാതി കള്ളമാണെന്നും രാഹുലേട്ടനെ മിസ്സ് ചെയ്യുന്നുണ്ടെന്നുമാണ് പരാതിക്കാരി യൂട്യൂബ് വീഡിയോയിലൂടെ വെളിപ്പെടുത്തിയത്. താന് പറഞ്ഞതെല്ലാം കള്ളമാണെന്നും പ്രതിയായ രാഹുല് നിരപരാധിയാണെന്നുമായിരുന്നു യുവതി യൂട്യൂബ് വീഡിയോയിലൂടെ വെളിപ്പെടുത്തിയത്. രക്ഷിതാക്കള് നിര്ബന്ധിച്ചതിനെ തുടര്ന്നാണ് രാഹുലിനെതിരെ മൊഴി നല്കിത്. രാഹുല് ശാരീരികമായി ഉപദ്രവിച്ചിട്ടില്ല. സ്ത്രീധനം ആവശ്യപെട്ടിട്ടില്ല. തന്റെ ആരോപണങ്ങളെല്ലാം നുണയായിരുന്നു. രാഹുല് നേരത്തേ വിവാഹം കഴിച്ചത് അറിയാമായിരുന്നു. പുറത്ത് പറയേണ്ടെന്ന് പറഞ്ഞത് താനാണെന്നും യുവതി മൊഴിമാറ്റി. തനിക്ക് കുറ്റബോധമുണ്ട്. തന്നെ രാഹുലേട്ടന് നല്ല രീതിയിലാണ് ഇതുവരെ ട്രീറ്റ് ചെയ്തത്. ഇപ്പോള് അദ്ദേഹത്തെ മിസ് ചെയ്യുന്നുണ്ട്. വീട്ടുകാര് പറഞ്ഞതിനാലാണ് ആരോപണം ഉന്നയിച്ചത്. അച്ഛന്റെ അമ്മയുടെയുമൊപ്പം വീട്ടിലേക്ക് മടങ്ങിയത് സമ്മതമില്ലാതെയാണ്, തനിക്ക് രാഹുലേട്ടനൊപ്പം നില്ക്കാനായിരുന്നു താത്പര്യം എന്നിങ്ങനെയാണ് യുവതി നേരിട്ട് സോഷ്യ മീഡിയയില് വീഡിയോയിലൂടെ പറയുന്നത്.
