തിരുവനന്തപുരം: ഛത്തീസ്ഗഡിലെ സുക്മ ജില്ലയിലുണ്ടായ സ്ഫോടനത്തില് ഒരു മലയാളി ഉള്പ്പെടെ രണ്ട് സിആര്പിഎഫ് ഉദ്യോഗസ്ഥര് കൊല്ലപ്പെട്ടു. തിരുവനന്തപുരം പാലോട് സ്വദേശി വിഷ്ണു ആര് (35), കാണ്പൂര് സ്വദേശി ശൈലേന്ദ്ര എന്നിവരാണ് വീരമൃത്യു വരിച്ചത്.
സുരക്ഷാ സേനയുടെ വാഹന വ്യൂഹം ലക്ഷ്യമിട്ടായിരുന്നു ആക്രമണം. ട്രക്കിലും ഇരുചക്ര വാഹനങ്ങളിലുമായിരുന്നു സുരക്ഷാ ഉദ്യോഗസ്ഥര്. ജഗര്ഗുണ്ടാ പൊലീസ് സ്റ്റേഷന് പരിധിയിലായിരുന്നു ആക്രമണം. ആക്രമണത്തില് ജീവന് നഷ്ടപ്പെട്ട വിഷ്ണു വാഹനത്തിന്റെ ഡ്രൈവറായിരുന്നു. മൃതദേഹം വനത്തില് നിന്ന് മാറ്റിയിട്ടുണ്ട്. പ്രദേശത്ത് തിരച്ചില് പുരോഗമിക്കുകയാണ്.
