തിരുവനന്തപുരം: ആമയിഴഞ്ചാന് തോട്ടില് ശുചീകരണത്തിനിറങ്ങിയ കോര്പറന് തൊഴിലാളി ജോയിയെ കാണാതായ സംഭവത്തില് തിരച്ചില് രണ്ടാംദിവസത്തിലേക്ക്. എന്ഡിആര്എഫ് സംഘം ഇന്നലെ രാത്രി സ്ഥലത്തെത്തി. ഫയര്ഫോഴ്സ് സ്കൂബ ടീമും സ്ഥലത്തുണ്ട്. എന്നാല് മണിക്കൂറുകള് നീണ്ട രക്ഷാദൗത്യം നടത്തിയെങ്കിലും ജോയിയെ കണ്ടെത്താനായില്ല. തുടര്ന്ന് റോബോട്ടിക് സംവിധാനവും തിരച്ചിലിനായി എത്തി.
ജില്ലാ കളക്ടറും മേയറും എന്ഡിആര്എഫ് സംഘവും നടത്തിയ ചര്ച്ചയക്ക് ശേഷമാണ് സുരക്ഷ കൂടെ പരിഗണിച്ചാണ് തെരച്ചില് രാവിലെത്തേക്ക് മാറ്റിയത്. അര്ധരാത്രി 12ന് ശേഷമാണ് എന്ഡിആര്എഫ് സംഘം സ്ഥലത്തെത്തിയത്. മറ്റൊരു റോബോട്ടിനെ കൂടെ ജെന് റോബോട്ടിക്സ് ടീം എത്തിക്കുകയും ചെയ്തിട്ടുണ്ട്. ക്യാമറ ഘടിപ്പിച്ച് അഴുക്കുചാലിലെ ദൃശ്യങ്ങള് അടക്കം ലഭ്യമാക്കുന്ന ഡ്രാക്കോ റോബോട്ടിനെയാണ് എത്തിച്ചിട്ടുള്ളത്. റിഫൈനറി ടാങ്കുകള് വൃത്തിയാക്കുന്നതിനായി നിര്മ്മിച്ചിട്ടുള്ളതാണ് ഡ്രാക്കോ. രക്ഷാപ്രവര്ത്തനത്തിനായി പ്രത്യേകം മാറ്റം വരുത്തിയാണ് ഇപ്പോള് പരീക്ഷിച്ച് നോക്കുന്നത്.
